“Хандлага” нэвтрүүлгийн энэ удаагийн дугаарт УИХ-ын гишүүн Л.Эрдэнэчимэг оролцлоо.

Та өөрийгөө танилцуулна уу?

Лувсангийн Эрдэнэчимэг. 1967 онд төрсөн. Нөхөр, гурван хүүхдийн хамт амьдардаг. 2012 оноос УИХ-ын гишүүнээр ажиллаж байна. 2016 оны нэгдүгээр сараас Байгаль орчин, ХХАА-н байнгын хорооны даргаар ажиллаж байна. УИХ дахь эмэгтэй гишүүдийн албан бус бүлгийн дарга. 1984-1990 онд Болгар улсын их сургуулийг геологич мэргэжлээр төгссөн. Байгалийн ухааны доктор зэрэгтэй.

УИХ-ын гишүүн дөрвөн жилийн өмнө болсон уу?

Тийм. Амьдралдаа өргөсөн хамгийн анхны бөгөөд хариуцлагатай тангараг бол Монгол төрийн тугандаа ёсолсон явдал юм. Тухайн үед их олон зүйл бодогдож байсан. Монгол улсын гурван сая иргэний итгэлийг хүлээж, улс орны хөгжлийн төлөө зүтгэх хүн болсон гэдгээ тухайн үед мэдэрсэн.

Өнгөрсөн хугацаанд хамгийн их бодож хүч хөдөлмөрөө зарцуулсан ямар хууль байна вэ?

СХД-ээс нэр дэвшин, иргэддээ цэцэрлэг амлаж гарч ирж байсан. Хамгийн түрүүнд хийсэн ажил бол цэцэрлэгийн хүртээмж байлаа. Тиймээс 2012 онд гишүүн болоод Хүүхэд харах үйлчилгээний тухай хуулийг санаачилсан. Бүтэн гурван жилийн дараа батлуулж чадсан. Нэг хуулийг санаачлан, батлуулахад маш их хүч, хугацаа зарцуулдаг юм байна лээ. Мөн эрүүл мэндийн салбарт ажилладаг хүний хувьд нийтийн эрүүл мэндийн асуудалд анхаарч тамхины хяналтын тухай хуулийг хурдан хугацаанд батлуулж чадсан.

Үргэлжлэлийг бичлэгээс үзнэ үү