Муу хүн сонгочлоо, тэрнээс болоод л бид хөгжихгүй байна, бүгд луйварчид гэж бодох, бухимдах, стрестэх хүмүүстэй нилээдгүй таардаг, заримдаа би өөрөө ч ийм байдалтай байдаг.

Зарим нэг хэсэг маань бухимдлаасаа болоод сонгууль өгөхгүй гэх, хэн ч сонгогдсон адилхан гэх. Сонгогчид бид сонголтоо хийхдээ иймэрхүү хайнга байдлаас болж сонгогдон гарч ирсэн хүнээ үл ойшоодог зантай.

Сонгогч та сонгуульд хэр хариуцлагатай хандсан бэ, нэр дэвшсэн бүх хүмүүсийн материалтай танилцсан уу.

Сонгуулийн материал орж ирэнгүүт хогийн сав руу шидчихээд л бухамдаад суугаад байна уу,

Сонголтоо хийхдээ ямар хүнийг сонгохоо мэдэхгүй байгаа бол таньд төрийн түшээ хүнд байх 8 шинжийг хэлж өгье.

Аливаа ашиг сонирхолоос ангид байж чадах
Бие хүний хувьд төлөвшсөн
Бодлого боловсруулагч
Өндөр мэдлэг боловсролтой
Улстөрийн сахилга баттай
Асуудалд туйлбартай тууштай ханддаг
Эх оронч
Аливаа муу зүйлд нэр холбогдоогүй байх

Бид амны билгээр ашдын билэг гэж ярьдаг тэгвэл төрийн түшээдээ үргэлж авлигч, хулгайч, луйварчид гэх мэт хамаг муу үгээрээ хэлснээрээ тэднийг үгээрээ харааж буй хэрэг бус уу.

Бид итгэл хүлээлгэн сонгосон гишүүнээ хүндэлье, харин сонголтоо хийхдээ хариуцлагатай хандъя.

Бид УИХ-ын гишүүдийнхээ ямар хууль санаачилсан, ямар хуулийн төсөлд ямар санал санаачилгыг оруулсан тэр нь бидний амьдралд хэр их ач тусаа өгсөн зэрэгт ач холбогдол өгөх хэрэгтэй.

Харин олны анхаарлыг татах гэсэн хий хоосон мэдээлэлд ач холбогдол өгөхгүй байх. Хэлж ярьж байгаад нь бус хийсэн ажлаар нь үнэлдэг байх, хий хоосон хов жив хөөцөлдөхгүй байх. Учир нь ямар сонгогч байна тийм л хүн сонгогдон гэдэг үг байдаг.

Сонгогч та УИХ-ын гишүүний ямар мэдээлэл ямар ажилд нь илүү ач холбогдол өгч байна тэд тэр л зүйлийг хийх болно.

Сонгогч таны хүсэл эрмэлзэл, таны хүлээлт, таны хариуцлагатай байдал эргээд УИХ-ын гишүүдийг хариуцлагажуулахад хамгийн гол хүчин зүйл болох юм.

Муу хүн сонгочлоо, тэрнээс болоод л бид хөгжихгүй байна, бүгд луйварчид гэж бодох, бухимдах...