УИХ дахь АН-ын бүлгийн дарга Э.Эрдэнээс дараахь тодруулгыг авлаа.

-АН-ын бүлэг өнгөрсөн даваа гарнгт өргөтсөн бүрэлдэхүүнтэйгээр хуралдсан боловч мэдээлэл хийгээгүй. Тус хуралдаанаар ямар асуудал хэлэлцсэн юм бэ?

Өмнөх парламентад ажиллаж байсан гишүүдээ урьж бүлгийн өргөтгөсөн хуралдаан хийсэн. Өргөтгөсөн хуралдаанаараа төсвийн тодотгол, Засгийн газрын мөрийн хөтөлбөртэй холбоотой асуудлуудаар санал солилцсон.

АН бол улс орны бодлого тодорхойлдог улс төрийн хүчин. Хэдийгээр энэ удаагийн сонгуульд хэт цөөнх болсон ч гэсэн бидний ард мэдпэг, чадвартай боловсон хүчин бүхий нам бий.

Өөрсдийн энэ нөөц бололцоогоо бүрэн дайчилж цөөнхийн бүлэг улс орны тулгамдсан асуудлууд дээр тооцоо судалгаатай, зөв санал санаачилга дэвшүүлж ажиллая гэж үзсэн юм.

Есхөн хүний хүрээнд биш АН-ын дотор байгаа хууль эрх зүйн өндөр мэдлэгтэй хүмүүсийн оролцоотойгоор нийгэм, эдийн засгийн бодпогыг тодорхойлно л гэсэн үг. Үүнийгээ зохион байгуулалтадоруулахүүднээс

УИХ дахь АН-ын бүлгийн дэргэд Байнгын хороодыг хариуцсан орон тооны бус Зөвлөхүүдийн зөвлөл байгуулж ажиллахаар шийдсэн.

-Хэдэн хүний бүрэлдэхүүнтэй зөвлөл ажиллах вэ?

Тодорхой тооны хаязгаар заагаагүй. Нэг.Байнгын хороонд ойролцоогоор 2-3 орон тооны бус зөвлөх ажиллах байх. Ойролцоогоор 24-26 хүний бүрэлдэхүүнтэй байна гэсэн үг.

-Бүлгийн өргөтгөсөн хуралд өмнөх парламентын гишүүдээс хэд нь оролцсон юм бэ?

Бүлгийн хуралд өмнөх парламент, Засгийн газрын гишүүнээр ажиллаж байсан З.Энхболд, Р.Гончигдорж, М.Батчимэг, С.Ламбаа, Н.Бат-баяр, Д.Зоригт, Ерөнхий-лөгчийн Тамгын газрын дарга Ц.Баярсайхан тэргүүтэй 20 орчим хүн ирсэн. Мөн хүний эрхийн хуульч М.Ичинноров оролцсон.

-Ерөнхий сайд асан Н.Алтанхуяг оролцоогүй юм уу?

Ирж амжаагүй. Бид утсаар ярьсан. Энэ санаачилгыг дэмжиж байгаагаа илэрхийлсэн.

-Бүгд л дэмжиж байгаа гэсэн үг үү?

Бүгд дэмжиж байгаа. Өмнөх сонгуулиудын үр дүнг харж байхад сөрөг хүчин эхний 1-2 жилд сүүдрийн Засгийн газар байгуулна энэ тэр гэж сүржигнэж байгаад хийсэн зүйлгүй өнгөрдөг шүү дээ. Харин бид нэгдүгээрт, сүүдрийн Засгийн газар гэж сүржин нэр, хаяг өгөхгүйгээр бодит ажил болгоё.

Хоёрдугаарт, өмнөх парламентад ажиллаж байсан хүмүүсээ мэдээлэлтэй байлгаж, тэдний санал дүгнэлтийг тусгасан шийдвэрийг УИХ-д оруулдаг байя гэж үзсэн юм. Гуравдугаарт манай бүлгийн есөн гишүүн найман Байнгын хороонд хүрч ажиллана гэдэг хүнд шүү дээ.

-Зөвлөлийнхөө гишүүдийг мэдээлэлтэй байлгана гэхээр бүлгийнхээ хуралд оролцуулж байх уу?

Орон тооны бус зөв-лөхүүдээ ажиллах нөхцөлөөр хангана. Тухайн Байнгын хороог хариуцсан зөвлөхүүд-дээ хэлэлцэж буй төслүүдтэй нь холбоотой мэдээллийг байнга хүргүүлж, саналыг нь сонсоно. Шаардлагатай гэж үзвэл бүлгийн нээлттэй хурлыг сард нэг удаа зохион байгуулж, орон тооны бус зөвлөхүүдээ оролцуулж санал бодлыг нь сонсч байх юм.

Бүлгийнхээ дэргэд 24-26 хүний бүрэлдэхүүнтэй зөвлөл ажиллуулна