УИХ-ын  чуулганы  лхагва гарагийн үдээс хойшхи хуралдаанаар хүчилгүй болгосон Хамтын тэтгэврийн тухай хуулийг тойрсон маргаан мэтгэпцээн нийгмийн сүлжээнд нэлээд олон хүнийг хамраад байна.

С.Эрдэнэ нарын гишүүдийн оргон бариж өнгөрсөн оны арванхоёрдугаар сард батлуулсан уг хуулийг хүчингүй болгох шийдвэрийг улстөрчид өөр өөрийн өнцгөөр тайлбарлаж буй юм.

Хуулийн автор хэмээн өөрийгөө өргөмжилсөн  УИХ-ын  гишүүн С.Эрдэнэ тэтгэвэр авч байгаа 300 гаруй мянган ахмадын эрх зүйг дордууллаа, нэг үгээр ахмадуудын хувьд хар өдөр боллоо хэмээн сүржигнэсэн ч үүнийх нь эсрэг Засгийн газар илүү үнэмшилтэйгээр тайлбар хийж чадаагүй.

Сангийн сайд. Ерөнхнй сайд гээд Засгийн газрын гишүүд нь хүмүүсийн сүсэг бишрэлтэй холбон үнэмшихэд ч бэрх шалтгааныг тоочсон нь олны дургүйцлийг хүргээд байгаа.

Харин УИХ-ын гишүүн С.Чинзориг "Хууль хүчингүй болсноор тэтгэвэр авч буй 300 мянган ахмадын эрхийг хасч байгаа юм биш. Хамтын тэтгэврийн тухай энэ хуулийн хэрэгжилт дээр цаг хугацааны хязгаар тавьснаар 7000 гаруйхан хүнд л хамаатай болж байгаа.

Гэтэл манайд хань ижлээ алдсан 77 мянган ахмад байгаа учраас уг хуулийг буцааж хамтын тэтгэвэр авбал зохих бүх хүнийг хамруулахаар болгох ёстой юм гэсэн нэмэлт тайлбар хийсэн.

Нийгмийн хамгааллын салбараар мэргэшсэн түшээгийн хувьд түүний энэ тайлбар хууль хүчингүй болж буй үндэслэлийг ойлгохгүй бухимдаж байсан олон хүний санааг амраав.