Сандагсүрэн.Ж 2017.01.31 | ХМА: Дүүрэг

Малчдад туслах сайн санааны аяны хүрээнд СХД-ийн Засаг дарга Ж.Сандагсүрэн тус дүүргийн мал бүхий иргэдэд тусламж үзүүллээ.

Малчдад туслах сайн санааны аяны хүрээнд СХД-ийн Засаг дарга Ж.Сандагсүрэн тус дүүргийн мал бүхий иргэдэд тусламж үзүүллээ.
СХД-ийн Засаг дарга Ж.Сандагсүрэн

Өвөлжилт хүндэрч болзошгүй байгаа энэ үед малчид, мал бүхий иргэдэд туслах “Сайн санааны аян” хэрэгжиж Сонгинохайрхан дүүргийн ерөнхий боловсролын сургууль, цэцэрлэг, албан байгууллагууд тусламжийн гараа сунгасаар байна.

Өнөөдөр дүүргийн Засаг дарга Ж.Сандагсүрэн 21-р хорооны мал бүхий иргэдэд хандивын зүйлс гардуулан өглөө. Тус хороо нь 6400 хүн амтай 2206 өрхтэй юм. Үүнээс 1170 буюу тэн хагас нь малчин өрх буюу мал аж ахуй фермер эрхэлж амьжиргаагаа залгуулдаг байна. 2016 оны жилийн эцсийн мал тооллогын дүнгээр нийт 60605 мал тоологджээ.

Цаашид хүйтэрч, цасны зузаан нэмэгдвэл өвс, тэжээлийн нөөц дуусч, мал хорогдох, малчдын өрхийн амьжиргаа илүү доройтож болзошгүй байгаа тул сайн санааны аяныг эрчимжүүлж аж ахуйн нэгжүүдтэй хамтран хэрэгжүүлсээр байна.

Малчдад туслах аяны хүрээнд дүүргийн 38 цэцэрлэг, 19 сургуулиас 1780 элгэвч, нэмнээ, бээлий, 4253 лаа, чүдэнз, 804 кг гурил будаа, 115 боодол өвс, нийт 7.842.500 төгрөгийн хандивын бараа, бүтээгдэхүүн цугларсан байна.

Малчдад үйлдвэрийн үнээр малын тэжээл нийлүүлж дэмжлэг үзүүлэн хамтран ажиллах тухай Засаг даргын албан бичгийн хүрээнд “Алтан тариа” ХХК 21, 32-р хорооны малчдад тус бүр 10 тонн хивэг тэжээлийг үйлдвэрийн үнээр нийлүүлсэн байна. Цагдаагийн 2-р хэлтэс, 2, 3, 9, 10, 12-р хороод, худалдаа эрхлэгч 39 аж ахуйн нэгж байгууллага нийт 19 нэр төрлийн 7629 ширхэг хүнсний бараа болон эд зүйлс, эм, мөнгөн тусламж үзүүлсэн байна.