Сандагсүрэн.Ж 2017.05.25 | Дүүргийн Хэвлэл мэдээллийн алба

Засаг даргын санаачлагаар Цэцэрлэгийн барилга барина

Засаг даргын санаачлагаар Цэцэрлэгийн барилга барина

Дүүргийн Засаг дарга Ж.Сандагсүрэн 31-р хороонд байрлах ашиглагдахаа больсон ахуйн үйлчилгээний барилгыг хүүхдийн цэцэрлэг болгох ажлыг эхлүүлээд байна. 31-р хорооны тухайд цэцэрлэгийн насны 2000 гаруй хүүхэдтэй бөгөөд үүний 70 орчим хувь нь цэцэрлэгт хамрагдаж чаддаггүй гэсэн судалгаа бий.

   Уг барилга нь ашиглагдахаа болиод хэдэн жил болж байгаа бөгөөд цэцэрлэг болгоход 260 орчим сая төгрөг шаардагдах тооцоо гарсан. Үүнийг Засаг дарга төсвийн хөрөнгөөр бус гаднаас хөрөнгө оруулалт босгох өөрийн хөрөнгийг оруулах зэргээр шийдэх тухайгаа хотын даргад танилцуулж, дэмжүүлсэн. 

    Уг барилгыг цэцэрлэг болговол 80 гаруй хүүхэд цэцэрлэгт хамрагдах боломжтой. Үүний цаана 80 гаруй эцэг, эх ажил хөдөлмөр эрхэлж, 80 айлын орлого нэмэгдэх давхар боломж бүрдэнэ. Мөн бага насны хүүхдийн түлэгдэлт зэрэг ахуйн гэмтэл ч буурах таатай нөхцөл бүрдэх юм.