УИХ-ын нэгдсэн чуулганаар Ерөнхийлөгчийн хоригийг хэлэлцлээ. Ерөнхийлөгч Х.Баттулга УИХ-ын "Засгийн газрын гишүүдийг томилох тухай" тогтоолд хэсэгчлэн хориг тавьсан билээ. Өөрөөр хэлбэл Сангийн сайд Ч.Хүрэлбаатарыг Засгийн газрын гишүүнээр томилоход ашиг сонирхлын зөрчилтэй хэмээн үзсэн юм.

Хэлэлцүүлгийн үеэр УИХ-ын гишүүн, ХНХ-ын сайд С.Чинзориг үг хэллээ.

С.ЧИНЗОРИГ: ЕРӨНХИЙЛӨГЧИЙН ХОРИГИЙН ҮНДЭСЛЭЛ ОЙЛГОМЖГҮЙ БАЙНА

Үндсэн хуулиараа Ерөнхийлөгч хориг тавих эрхтэй. Гэхдээ тодорхой хууль зөрчсөн тохиолдолд хориг тавьна гэж ойлгож ирсэн. Гэтэл өнөөдрийн хоригийг харахаар уул уурхайтай холбогдсон байж болзошгүй байна гэсэн тоймолсон байдлаар асуудалд хандаж байна.

Томилсон шийдвэрт нь хориг тавиад байгаа юм уу эсвэл сайд болсон хойноо гаргасан шийдвэр нь буруу болохоор огцруулах гээд байгаа юм уу?

Хориг тавьж байна гэчихээд утаа, эрүүл мэнд, багш нарын орлоготой холбоотой асуудлыг сөхөж байна. Үүнийг харахаар томилсон шийдвэр биш гаргасан шийдвэр нь хууль зөрчиж байгаа учраас огцруулах асуудал ярих гээд байгаа юм шиг асуудал гаргаж ирээд байна.

Бид төрийн албан хаагчдынхаа цалинг нэмэгдүүлэх талаар их ярьдаг. Бидэнд гадна, дотны шахалт маш их байна. Засгийн газар ОУВС-той зөвшилцөлд хүрч, тодорхой хэмжээний хэмжээний орлогын эх үүсвэр гаргаж, төрийн албан хаагчдын бодит орлогыг нэмэгдүүлэх арга хэмжээ авахаар шийдсэн. Гэвч үүнийг хавтгайруулсан халамж мэтээр нийгэмд буруу ойлголт өгөөд байна. Энэ бол нэг удаагийн халамж биш, үргэлжилсэн арга хэмжээ юм. Хөдөлмөрийн тухай хуулиар урамшуулал бол цалин хөлсний бүрэлдэхүүн хэсэг байдаг.

С.Чинзориг: Ерөнхийлөгчийн хоригийн үндэслэл тодорхойгүй байна