Тэрбишдагва.Д 2018.01.04 | Сайт: Vip76.mn

Д.Тэрбишдагва:Агаарын бохирдлыг бууруулахад ард иргэдийн оролцоог нэмэгдүүлэх хэрэгтэй

"Улсын Их Хурал болон Байнгын хороо, Дэд хорооноос агаарын бохирдлыг бууруулах чиглэлээр өгсөн тогтоол, шийдвэрүүдийн хэрэгжилтийг дүгнэх шаардлагатай тохиолдолд хууль, УИХ-ын бусад шийдвэрийн төсөл боловсруулж,  санал, дүгнэлт гарган Засгийн газарт чиглэл өгөх үүрэг бүхий” Ажлын хэсгийн нээлттэй хуралдаан өнөөдөр (2018.01.04) Төрийн ордонд болж байна.

Ажлын хэсгийн гишүүн, УИХ-ын гишүүн Д. Тэрбишдагва агаарын бохирдлыг бууруулахад ард иргэдийн оролцоог нэмэгдүүлж,санаачлагыг дэмжмээр байна гэсэн саналтай байлаа.

Энэ удаагийн хуралд ажлын хэсгийнхэн бүрэн бүрэлдэхүүнээрээ, Засгийн газрын гишүүд идэвхитэй оролцож байна. Энэ эрчээ алдахгүй явах хэрэгтэй. Хяналт шалгалтаа улирал тутамд хийгээд, дөрөвдүгээр улиралд Их хурлаараа оруулах юм байна.

Маш нарийн төлөвлөгөөтэй явах хэрэгтэй. Намрын чуулганы дотор хууль эрх зүйн орчиноо бүрдүүлэх юм байна.  Цагаан сараас өмнө хуулиа батлаад, нэг, хоёрдугаар  улиралд хуулийндаа хяналт тавих шаардлагатай.  Наадмын үеэр найр,наадам биш агаарын бохирдлыг бууруулах талаар яриад явбал дэвшил гарна.

Хувь хүмүүсийн хариуцлага, ард иргэдийн оролцоо, санаачлагыг  дэмжсэн тусгай заалт оруулахаас гадна орчин үеийн шинжлэх ухааны дэвшлийг ашиглах шаардлагатай.

Гадны туршлагыг нэвтрүүлэхээс гадна Монголынхоо туршлагыг илүү ашиглах нь зөв. Өнөөдрийн эрин зуунд юу хэрэгтэйг анхаарах.  Анхан шатны байгууллагуудын үүрэг, хариуцлага, иргэдийн оролцоо гэсэн хоёр зүйлийг орхиж болохгүй гэдгийг сануулсан юм.