Өнөөдөр /2018.05.10/ УИХ-ын нэгдсэн чуулганаар НҮБ-ын Хүнс, хөдөө аж ахуйн байгууллагын Хүнс, хөдөө аж ахуйн ургамлын генетик нөөцийн олон улсын гэрээг соёрхон батлах тухай хуулийн төслийг хэлэлцэж байна. 

Уг гэрээг соёрхон баталснаар манай орны газар тариалангийн үйлдвэрлэлийг нэмэгдүүлэх, эрчимжүүлэхэд нэн шаардлагатай ган халуун, өвчин хортонд тэсвэртэй, ургац өндөртэй, чанартай хүнс, тэжээлийн шинэ таримал, түүний соортуудыг бий болгох, сайжруулахад дэлхийн таримал ургамлын генетик нөөцийг чөлөөтэй ашиглах, мөн гэрээний дэргэдэх сангаас хөрөнгө, санхүүжилт авах боломж бүрдэнэ. Түүнчлэн ургамлын генетик нөөцийг хадгалж, ашиглах ажлыг сайжруулахад шаардлагатай техник, технологийн дэмжлэг авах, боловсон хүчнээ чадавхижуулах чиглэлээр олон улсын хамтын нийгэмлэг болон бусад донор байгууллагуудын дэмжлэг хүртэх өргөн боломж нээгдэнэ Засгийн газар үзэж байгаа аж.

УИХ-ын гишүүн Д.Тэрбишдагва: 

НҮБ-ын Хүнс, хөдөө аж ахуйн байгууллагын Хүнс, хөдөө аж ахуйн ургамлын генетик нөөцийн олон улсын гэрээг соёрхон батлах тухай хуулийн төслийг батлах гэж байна. Энэ асуудлыг байнгын хороотой зөвшилцсөн үү? Танилцуулгаас харахад зөвхөн газар тариалан руу анхаарч байна. Бэлчээрийн ургамлын генетикийн нөөцийн талаар юм ороогүй байна. ОУБ-т орсноор гишүүн байгууллагынхаа төлбөр тооцоог яаж төлж байна вэ? ОУБ-аас генетикийн ургамлыг чиглэлээр ямар төсөл, хөтөлбөр авах вэ? судалгаа байна уу?

ХХААХҮ-ийн дэд сайд Ж.Сауле: Яамдуудаас санал авсан. Энэ гэрээнд нэгдсэнээр төлбөр байхгүй. 64 нэр төрлийн ургамлыг оруулсан. 3/1 нь тэжээлийн ургамал байгаа. Санхүүгийн дэмжлэг авах боломж бүрдэнэ.