Өнөөдөр /2018.05.10/ УИХ-ын нэгдсэн чуулганаар НҮБ-ын Хүнс, хөдөө аж ахуйн байгууллагын Хүнс, хөдөө аж ахуйн ургамлын генетик нөөцийн олон улсын гэрээг соёрхон батлах тухай хуулийн төслийг хэлэлцэж байна. 

Уг гэрээг соёрхон баталснаар манай орны газар тариалангийн үйлдвэрлэлийг нэмэгдүүлэх, эрчимжүүлэхэд нэн шаардлагатай ган халуун, өвчин хортонд тэсвэртэй, ургац өндөртэй, чанартай хүнс, тэжээлийн шинэ таримал, түүний сортуудыг бий болгох, сайжруулахад дэлхийн таримал ургамлын генетик нөөцийг чөлөөтэй ашиглах, мөн гэрээний дэргэдэх сангаас хөрөнгө, санхүүжилт авах боломж бүрдэнэ. Түүнчлэн ургамлын генетик нөөцийг хадгалж, ашиглах ажлыг сайжруулахад шаардлагатай техник, технологийн дэмжлэг авах, боловсон хүчнээ чадавхижуулах чиглэлээр олон улсын хамтын нийгэмлэг болон бусад донор байгууллагуудын дэмжлэг хүртэх өргөн боломж нээгдэнэ Засгийн газар үзэж байгаа аж.

 УИХ-ын гишүү М.Билэгт

Монгол өргөн дэлгэр газар нутагтай. Эрүүл органик хүнс гадагшаа гаргах боломж бидэнд байгаа. Хүмүүс органик хүнсэнд мөнгө гаргахаас татгалзахгүй байна.Салбар энэ тал руугаа бодлого гаргах хэрэгтэй. Өнөөдөр манай улс бэлчээр хумигдаж байгаа, уаг уурын нөхцөл өөрчлөгдөж байгаа нь газар доорх баялагаа хайр найргүй хэрэглэж байгаагийн хор уршиг гарч байна. Малын бэлчээр хэтэрлээ гэж байна. Борлуулалтан дээр нь яам анхаарах хэрэгтэй.

Газар тариалангийн бодлогын хэрэгжилтийг зохицуулах газрын дарга Ц.Болорчулуун:

 Монгол орны газар тариалангийн үйлдвэрлэл 1 сая га газрын нөөцтэй. Гэхдээ газар тариалан эрхлэхэд таатай биш гэсэн ангилалд байдаг. Нэн түрүүнд сорт, технологийн асуудлаа шийдэх хэрэгтэй байгаа.