Нийгмийн бодлого, боловсрол, соёл, шинжлэх ухааны байнгын хорооны ажлын хэсгийн хуралдаанаар /2018.05.22/ Нийгмийн даатгалын сангаас олгох тэтгэвэр, тэтгэмжийн тухай хуульд нэмэлт, өөрчлөлт оруулах тухай хууль батлагдсанаар даатгуулагчийн нийгмийн даатгалын шимтгэл төлсөн сүүлийн 20 жилийн доторх дараалсан 5 жилийг нэмэгдүүлэн 7 жил болгосон нь тэтгэвэр авагчийн тэтгэврийн хэмжээнд өөрчлөлт оруулах эсэх, даатгуулагчийн эрх ашгийг хэрхэн хөндөж байгаа талаар санал, дүгнэлт шийдвэрийн төсөл боловсруулж Байнгын хороонд танилцуулах хурал боллоо.

 Байнгын хорооны хуралдаанд УИХ-ын гишүүн М.Билэгт санал хэллээ.

УИХ-ын гишүүн М.Билэгт: 

Хувийн хэвшлийнхний талаар зөв ойлголтыг иргэдэд  өгөх хэрэгтэй. Хөдөлмөр эрхэлж байгаа иргэдийн 80 хувь нь хувийн хэвшилд ажиллаж байна. Хөдөлмөр эрхлэлтийг дэмжих сангийн орлого бараг 100 хувь хувийн хэвшлээс бий болж байна. Хувийн хэвшлээ дэмждэг, хувийн хэвшлээ хайрлах хэрэгтэй. Хөдөлмөр эрхлэлтийн сангаас иргэд, аж ахуй нэгжээ дэмждэг. Гэхдээ зохицуулалт хэрэгтэй байна. Хөдөлмөр эрхлэлтийг дэмжих сангаас олгож байгаа зээлийн эргэн төлөлт ямар байгаа вэ?

Ажлын хэсэг: Хөдөлмөр эрхлэлтийг дэмжих сангийн зээлийг иргэд авч байгаа.Орлого жил ирэх тусам бууж байгаа. Эргэн төлөлтийн хувьд 100 хувь банк дааж байгаа учраас 100 хувь гэж ойлгож болно.