УИХ-ын чуулганы өнөөдрийн хуралдааны эхэнд зарим гишүүдээс өвлийн морин уралдааны асуудлыг хөндсөн юм.

Энэ талаар Шадар сайд Ө.Энхтүвшин байр сууриа илэрхийлсэн юм.

ЗГХЭГ дарга, Эрүүл мэндийн сайд, ХНХ сайд нар ойрын өдрүүдэд бичиг явуулаад анхааруулаад байгаа юм байна лээ. Өвлийн морин уралдаантай холбоотой, хүүхдийн амь нас, эрүүл мэнд эрсдэх аюултай байгаа тухай сануулж, ажиллаж байгаа. Уг нь Засгийн газар өнгөрсөн жил яг өдийд  шийдвэр гаргасан юм. Би өөрөө үүнийг Засгийн газрын хуралдаанд оруулж байсан. 5 сарын 1 өдөр хүртэл 12 хүртэлх насны хүүхдийг морины уралдаанд оролцуулахгүй байх шийдвэр гарчихсан юм л даа. Өнөөдөр Монголын Морин спорт холбооны хурал болж байгаа юм байна лээ. Энэ асуудлыг ярих юм гэсэн. Олон нийтийн байгууллага, төр засгийн газартайгаа хамтран ажиллах тухай асуудал байгаа юм л даа. Төр засаг шийдвэрээ гаргачихсан байгаа юм шүү дээ. Одоо ч Засгийн газраас ойрхон ойрхон анхааруулаад л байгаа. Үүнийг эсэргүүцэж байгаа нэг хэсэг байгаа. Монголын уламжлалын алдагдуулах гэлээ, Гаднынхны гар хөл боллоо гэж мушгиж гуйвуулж ярьдаг. Бид нар бол харин Аймгийн Засаг дарга нартаа бол дахин дахин үүрэг Засгийн газар үүрэг өгнө. Дахин дахин өгөх болно.