2019.02.01

М.Билэгт: Төрд итгэх иргэдийн итгэл буурсаар байна

Өнөөдөр /2019.02.01/ УИХ-ын нэгдсэн чуулганаар Төрийн албаны даргыг үүрэгт ажлаас нь чөлөөлөх, Төрийн албаны зөвлөлийн орон тооны гишүүнийг томилох тухай асуудлыг хэлэлцлээ. Төрийн албаны зөвлөлийн орон тооны гишүүнээр Ерөнхийлөгчийн Тамгын газраас Б.Идэрчулууныг нэр дэвшүүлж буйг Ерөнхийлөгчийн Тамгын газрын дарга З.Энхболд танилцууллаа.

УИХ-ын гишүүн М.Билэгт:

“Төрд итгэх иргэдийн итгэл жил жилээр буурч байна. Төрийн албан хаагчдийн иргэдэд хүргэж буй үйлчилгээ хамгийн их бухимдал үүсгэж байна.

Д.Зүмбэрэллхам даргаас асууя. Та олон жил төрийн албан зөвлөлд ажиллаж байгаа. Иргэдийн итгэл ингэж их төрийн албанд алдагдаж байгаа явдалд ямар тайлбар хэлэх вэ? Ялангуяа удирдах албанд байгаа хүмүүсийн хариуцлагагүй байдлаас болж ийм нөхцөл үүссэн. Асар их хэмжээний мөнгө хууль бусаар төрийн албанаас халсантай холбоотой нөхөн төлбөр болгон өгсөн байгаа юм.

Ёс зүйн хэм хэмжээний талаар хариуцлагын тогтолцоо ямар байх ёстойг хэлж өгнө үү?”