Улсын хэмжээнд 3-т орох энэ том паркийг барих санаа нэгэн үeийнхний "Эргэн дурсахуй" уулзалтаас гарч байжээ. Хүүхдийн инээд, баяр хөөр дуүүэн байлгахыг зорьсон Ховд Парк байгуулагдаад 8 жил болж байна. Зарим тоглоом нь хуучирч муудан эвдэрч, заримаас нь хүүхдүүд уйдаж эхэлжээ. Тиймээс Ховд аймгаас сонгогдсон гишүүд 2019 оны улсын төсөвт 400 сая төгрөгийн хөрөнгө оруулалтыг тусгаж энэ зун засвар хийгдэж, шинээр тоглоомууд нэмэгдэхээр боллоо.

Мөн 50 сая төгрөгийн шагналын сантай, 1-р байр нь Nissan March маркийн цоо шинэ автомашины урамшуулалтай “Паркаа гоёцгооё“ уралдаан үргэлжилж, ирэх 9-р сард дүнгээ гаргах гэж байна. Энэ уралдаанд албан байгууллага, хамт олон, найз нөхөд, хувиараа гээд хүссэн хэн ч оролцож болох бөгөөд Паркийн аль нэг хэсэгт уралдааны удирдамжийн дагуу бүтээн байгуулалтын ажил хийж, тохижуулан өрсөлдөх юм байна.

Удахгүй Ховд аймгийн Бичигт, Тахилт багуудад бичил цэцэрлэгт хүрээлэн байгуулах ажил бүрэн дуусч нээлтээ хийнэ. Гэр хороололд гэгээтэй зүйл байгуулж болдгийн бодит жишээ энэ болно. Гагцхүү иргэд өөрсдөд нь зориулж бүтээж босгож буй зүйлд эзний ёсоор өөриймсөг хандах л үлдэж байна. Ийнхүү тун удахгүй Ховд аймгийн төв Шинэ Ховдын-Шинэчлэгдсэн паркаар, багуудад баригдаж буй бичил цэцэрлэгт хүрээлэнгээр өнгө нэмэх нь ээ.

Ховд аймгийн төв шинэчлэгдсэн парк, шинэ бичил цэцэрлэгт хүрээлэнтэй болно