С.Чинзориг 2019.09.24 | Vip76.mn

АХБ-ны 800 000 $-ын дэмжлэгээр Хөвсгөлийн МСҮТ-ийн сургалтын орчныг сайжруулна

АХБ-ны 800 000 $-ын дэмжлэгээр Хөвсгөлийн МСҮТ-ийн сургалтын орчныг сайжруулна

Хөвсгөл аймагт ажиллах хугацаандаа тус аймаг дахь хөдөлмөр, нийгмийн хамгааллын салбарынхантайгаа уулзаж, Нийгмийн даатгалын газар, МСҮТ-өөр орлоо.

"Ажилсаг хүн амжилтад хүрнэ" гэсэн уриатай тус сургууль 46 жилийн түүхэндээ 12 мянган залуусыг сургаж мэргэжил эзэмшүүлэн хөдөлмөрийн зах зээлд гаргасан бөгөөд энэ хичээлийн жилд 6 салбарын 23 мэргэжлээр сургалт явуулж байгаа гэсэн танилцуулгыг сургуулийн захирал Н.Баатар-Очир өгч байсан.

Хөвсгөл аймгаас сонгогдсон УИХ-ын дэд дарга Л.Энх-Амгалангийн хамт сургуулийн анги танхимаар орж, багш сурагчидтай уулзалт хийлээ. Уулзалтын үеэр Засгийн газраас МБС-ын салбарыг хөгжүүлэхэд ихээхэн анхаарч буй бөгөөд үүний тод жишээ ирэх сарын 3-нд нийслэл хотноо Монгол Улсын Ерөнхий сайд У.Хүрэлсүхийн ивээл дор Мэргэжлийн боловсрол сургалтын салбарын багш нарын улсын анхдугаар зөвлөгөөний талаар мэдээлэл өгч, салбарын багш нарын нийгмийн баталгааг хангаж цалин, урамшууллыг нэмэгдүүлсэн, ажиллах нөхцөлийг сайжруулах, сургалтын тоног төхөөрөмжөөр хангах зорилгоор эхний ээлжинд бүх багшийг компьютержүүлэх ажлыг эхэлж одоогийн байдлаар 900 гаруй багшийг суурин болон зөөврийн компьютертэй болгосон.

Суралцагчдын мэргэжил эзэмших хүсэл сонирхол, сурах идэвхийг дэмжих үүднээс сар бүр олгож байгаа 100 мянган төгрөгийн тэтгэлгийг ирэх жилээс 2 дахин нэмэхээр болсон талаар ярьж ойрын хугацаанд багш нарын улирлын урамшууллыг 15 хувьд хүргэх, нэг багшид ногдох цагийн ачааллыг багасгаж багц цагийн үнэлгээг 45-аас 36 хүргэж бууруулах зэрэг ажлыг хийж байгаагаа дуулгалаа.

Хөвсгөл МСҮТ-ийн хувьд хичээлийн байр шинээр барих, зургаан ангийн ширээ сандлыг шинэчлэх, үсчний болон гоо сайхны мэргэжлийн ангийн тоног төхөөрөмж шаардлагатай байгаа аж. Хичээлийн шинэ байр барих асуудал ирэх оны төсвийн төсөлд ороогүй учраас боломж хомс ч Азийн хөгжлийн банкны 800 мянган ам.долларын санхүүжилтээр зарим мэргэжлийн дадлагын байрыг шинэчилж, хөдөө аж ахуйн чиглэлийн гурван мэргэжлийн ангид шаардлагатай орчин үеийн сургалтын тоног төхөөрөмжийг нийлүүлэх ажлыг хийхээр төлөвлөж буйг танилцууллаа.