УИХ-ын 2019 оны ээлжит бус чуулганы өнөөдрийн /2019.10.01/ үдээс хойших нэгдсэн хуралдаанаан эхэллээ.

Хуралдаанаар Монгол Улсын 2018 оны нэгдсэн төсвийн гүйцэтгэл, Засгийн газрын санхүүгийн нэгтгэсэн тайлан, “Монгол Улсын 2018 оны төсвийн гүйцэтгэлийг батлах тухай” тогтоолын төслийн анхны хэлэлцүүлгийг хийж байна. Хэлэлцэж буй асуудалтай холбогдуулан УИХ-ын гишүүд асуулт асууж, саналаа хэллээ.

УИХ-ын гишүүн М.Билэгт

2016 онд энэ УИХ бүрдээд өнөөдөр 3 жилийн дараа эргээд харахад бид улс орны эдийн засгийг дампуурлын эрэгт байсныг босгоод иржээ. Тэр тусмаа 2017 онд 1,7 их наядын алдагдалтай төсөв батлагдаж байсан бол 2018 онд 27,9 тэрбумын ашигтай гарсан байна. эндээс харахад эдийн засаг эрүүлжиж байгаа нь харагдаж байна. Үүний шалтгаан нь юу байв гэдгийг Ч.Хүрэлбаатар сайд тайлбарлаж өгөөч.

Мөн эдийн засгийн энэ өсөлтийг яаж айл өрх бүрд хүргэх вэ гэдгийг асуумаар байна. Бид гадаадаас бүх бүтээгдэхүүнээ оруулж ирдэг өөрсдийн хийж чаддаг зүйлээ дотооддоо хийх иргэдээ ажил орлоготой болгох талд дээр ямар бодлого барих вэ?

Үндэсний мөнгөн тэмдэгтээ унагахгүй валютын ханшыг өсгөхгүй барих ямар бодлого барьж байгаа вэ үндэсний онцлогт тохирсон ямар бодлого барьж байгаа вэ гэдгийг асуумаар байна.

М.Билэгт: Эдийн засгийн өсөлтийг айл өрх бүрт хүргэх арга замыг улам сайжруулахад анхаараарай