М.Билэгт 2019.10.04 | Vip76.mn

М.Билэгт: Төрийн өмчит компаниудаар их хэмжээний тавиулахгүй байх эрх зүйн орчин дээр анхаараарай

УИХ-ын 2019 оны намрын ээлжит чуулганы өнөөдрийн (2019.10.04)   нэгдсэн хуралдаанаар Монгол Улсын нэгдсэн төсвийн 2018 оны гүйцэтгэл, Засгийн газрын санхүүгийн нэгтгэсэн тайлан болон “Монгол Улсын 2018 оны төсвийн гүйцэтгэлийг батлах тухай” Улсын Их Хурлын тогтоолын төсөл /Засгийн газар өргөн мэдүүлсэн, хоёр дахь хэлэлцүүлэг/ хийж байна.

УИХ-ын гишүүн М.Билэгт:

Засгийн газар 2018 онд сайн ажилласан. Үүнийг үгүйсгэх арга байхгүй. Одоо эдийн засаг өсөлттэй болсон. Гэхдээ бидэнд анхаарч засах юм бий. 2012 онд 3,3 их наядын өртэй байсан гэтэл 2016 онд 10,3 их наядын өр болсон байсан. Улсын төсвийн зарлагаас давсан их өр байсан энийг зохицуулж чадаж байгаа юу?

Цаашдаа төрийн өмчит компаниудаар ийм их өр тавиулахгүй байх эрх зүйн орчин дээр анхаарч байгаа биздээ татвар төлөгчдийн мөнгийг үргүй зарцуулагддаг энэ байдлыг халах ёстой газар бол Аудитын байгууллага. Энэ дээр хариуцлага тооцдог болох нөхцөл бүрдсэн үү гэж Н.Занданбат даргаас асууя.