Б.Бат-Эрдэнэ 2019.10.04 | Vip76.mn

Б.Бат-Эрдэнэ: Татварын орлогоо бодитой төлөвлөж байх шаардлага байгаа

УИХ-ын 2019 оны намрын ээлжит чуулганы өнөөдрийн (2019.10.04)   нэгдсэн хуралдаанаар Монгол Улсын нэгдсэн төсвийн 2018 оны гүйцэтгэл, Засгийн газрын санхүүгийн нэгтгэсэн тайлан болон “Монгол Улсын 2018 оны төсвийн гүйцэтгэлийг батлах тухай” Улсын Их Хурлын тогтоолын төслийн хоёр дахь хэлэлцүүлгийг хийж байна. 

УИХ-ын гишүүд асуулт асууж, үг хэллээ.

УИХ-ын гишүүн Б.Бат-Эрдэнэ

З.Нарантуяа гишүүний илтгэлээс үзэхэд татварын орлого дутуу биелэлттэй явж байгаа гэж зааж байгаа. Энэ талаар тодруулж хариулт өгнө үү ? Өмнө жил татварын орлогоо доогуур төлөвлөсөн. Татварын орлогоо бодитой төлөвлөж байх шаардлага байгаа. Мөн татварын баазыг өөдтэй өргөжүүлсэн юм алга. Эрдэс баялгийн үнэ өссөнтэй холбоотойгоор татвар бүрдэлт дээр ийм зүйл гарсан байна гэж харж байна. Энэ дээр Сангийн яам, Засгийн газар юу гэж үзэж байгаа вэ?

Монгол улсын эдийн засагт хувийн хэвшил ямар хувь нэмэр оруулж байгаа вэ? Үүнтэй уялдаад Монгол орны хөдөлмөрийн зах зээл ажиллах хүчний нөөц талаасаа ямар дүгнэлт өгч байгаа вэ? Хөдөө орон нутагт мал маллах хүн байхгүй, барилгын салбарт асар их ажиллах хүчний нөөц дутагдалтай. Энэ дээр анхаарах хэрэгтэй.

Хувь улс төрчдийн нөлөөтэй тендер сонгон шалгаруулах явдал байдаг энийг анхаарч байгаа зүйл байна уу? Төсвийн хөрөнгө оруулалт үр дүнгүй болдог хот хөдөөгүй олон жил ийм байдлаар явж ирлээ. Энэ дээр маш сайн анхаар.