С.Эрдэнэ 2019.10.04 | Vip76.mn

С.Эрдэнэ: Аль нэг улс төрийн нам, сөрөг хүчинрүү буруугаа чихэж, хэн нэгнийг цоллодог байдлаа болиорой

УИХ-ын чуулганы өнөөдрийн /2019.10.04/ үдээс хойших хуралдаан эхэллээ. Хуралдаанаар Ард нийтийн санал асуулга явуулах, Монгол Улсын Үндсэн хуулийн нэмэлт, өөрчлөлтийн эхийг батлах тухай Улсын Их Хурлын 2019 оны 73 дугаар тогтоолд бүхэлд нь тавьсан Монгол Улсын Ерөнхийлөгчийн хоригийг хүлээн авах эсэхийг хэлэлцэж байна. 

Хэлэлцэж буй асуудалтай холбоотойгоор УИХ-ын гишүүд үг хэлж, асуулт асуулаа. 

УИХ-ын гишүүн С.Эрдэнэ:

"Гишүүд бие биенийхээ бүрэн эрхэд халддагаа болих хэрэгтэй. Тэгвэл тэгнэ, ингэвэл ингэнэ гэдгээ болиорой. 76 гишүүн бол бүгд ард түмнээсээ сонгогдсон. Асуудалд хэн нь яаж хандах нь тэр хүний асуудал. Микрофон ашиглаж улс төр хийгээд рекит хийх гээд байгаа юм уу? Ард түмний нэр барьж асуудлаа цайруулаад байх юм. Та нар өөрсдөө дотроо хэрэлдчихээд тэрийг авчихвал амьдрал сайхан болно гэж яриад байсан хаана байна.

Амьдрал хэцүү болж өдөр өдрөөр л дордоод банйа шүү дээ. Одоо энэ Үндсэн хуулиа ч өөрчилж чадахгүй бантан болгочихоод сайн сайхан байсан юмыг Ерөнхийлөгч хориг тавьчихсан мэт яриад байна. Та нар амьдрал үзсэн юм уу? зах, гэр хорооллоор орж үзсэн үү? Тэгээгүй байж нэг нэгнийхээ эрхэнд бүү халдаад байгаарай.

Үндсэн хуульд оруулах нэмэлт, өөрчлөлтийн анхны төсөлд ганц нэг гялайж гялтайх юм байсан. Бүгдийг нь өөрчдөө хасаж унагасан. Одоо хоёрдахь төсөл нь холион бантан болсон. Ийм зүйлээ батлуулах боломж бүрдэхгүй гэж харчихаад, дараа нь хариуцлагаас зугтах гэж арод нийтээс санал асуух гэж байна. Эцэстээ бид нар биш ард түмэн л баталсан ш дээ гэж хэлэх гэж байгаа биздээ. Би мэдэж байна. Ийм улс төрийн башир арга бүү хэрэглэ.

Аль нэг улс төрийн нам, сөрөг хүчинрүү буруугаа чихэж, хэн нэгнийг цоллодог байдлаа болиорой. "