Улсын Их Хурлын Өргөдлийн байнгын хорооны хуралдаан өнөөдөр /2019.10.09/ болж, хоёр асуудал хэлэлцлээ.Эхлээд, Өргөдлийн байнгын хорооны 2019 оны намрын ээлжит чуулганы хугацаанд хийх ажлын төлөвлөгөө батлах тухай асуудлыг хэлэлцэв.

Улсын Их Хурлын гишүүн, Өргөдлийн байнгын хорооны дарга М.Оюунчимэг хийх ажлын төлөвлөгөөг танилцуулснаар уг асуудлыг хэлэлцэхтэй холбогдуулж Улсын Их Хурлын гишүүн М.Билэгт, Ё.Баатарбилэг, Д.Мурат, Ц.Гарамжав нар үг хэллээ.

М.Билэгт: Малын хулгайтай тэмцэх хэлэлцүүлгийг хуулийн төсөлтэй нь уялдуулмаар байна.

Ё.Баатарбилэг: Хувийн их, дээд сургуулийн стандартад шалгалт хийх гэхгүйгээр буруу зөрүүг нь яриад засаад явах нь зөв

Ц.Гарамжав: Хилчин хотхоны асуудлыг хэлэлцэхэд хэдэн хүн оролцох боломжтой вэ?

Гишүүд үг хэлсний дараа, төлөвлөгөөг батлах санал хураалт явуулахад хуралдаанд оролцсон гишүүдийн олонхи нь дэмжсэнээр байнгын хороо 2019 оны намрын ээлжит чуулганы хугацаанд хийх ажлынхаа төлөвлөгөөг баталлаа.

2019 оны намрын ээлжит чуулганы хугацаанд хийх ажлын төлөвлөгөөгөө баталлаа