Л.Болд 2019.10.10 | Vip76.mn

Л.Болд: Технологи, уул уурхайн чиглэлээр дэлхийд өрсөлдөх мэргэжилтэн бэлтгэх эхлэл тавигдсан

Улсын Их Хурлын чуулганы өнөөдрийн /2019.10.10/ үдээс хойших нэгдсэн хуралдаанаар Монгол Улсын Засгийн газар, Холбооны бүгд найрамдах Герман Улсын Засгийн газар хоорондын “Монгол-Германы хамтарсан ашигт малтмал технологийн их сургууль төслийн санхүүгийн хамтын ажиллагааны хэлэлцээр болон гэрээг соёрхон батлах тухай” хуулийн төслийг соёрхон батлах асуудлыг хэлэлцэж баталлаа.

Хэлэлцэж буй асуудалтай холбоотойгоор УИХ-ын гишүүд асуулт асууж, үг хэллээ. 

УИХ-ын гишүүн Л.Болд:

"Монгол Улсад гадны 2 талын харилцаатай хийгдсэн маш сайн эхлэл  бол энэ сургууль байгаа. Налайх дүүрэгт хийгдсэн 2 хөгжлийн төсөл бий.

1. Хөнгөн атлетикийн зам - Маргааш тэнд Монголын хамгийн хурдан хүүхэд шалгаруулах олон улсын тэмцээн болно. Дэлхийд хөл нэгдэх том ажил. 

2. Өнгөрсөн жил эхний төгсөлтөө хийсэн Монгол-Германы хамтарсан сургууль. Олон монгол залуучууд өрсөлдөн дэлхийн боловсролыг монголдоо эзэмших үр дүнтэй төсөл болсон. Ангела Маркел манай улсад хийсэн айлчлалаар энэ ажил эхлэл нь тавигдсан. Технологи, уул уурхайн чиглэлээр дэлхийд өрсөлдөх мэргэжилтэн бэлтгэх эхлэл тавигдсан тул энэ төслийг дэмжиж өгөхийг хүсье."