Б.Бат-Эрдэнэ 2019.10.10 | Vip76.mn

Б.Бат-Эрдэнэ: Гадаад харилцааны яаманд анхаарал хандуулахгүй бол болохгүй болоод байна

Улсын Их Хурлын чуулганы өнөөдрийн /2019.10.10/ үдээс хойших нэгдсэн хуралдаанаар Минск хотод ЭСЯ нээх тухай УИХ-ын тогтоолын төслийг хэлэлцлээ.

Энэ үеэр УИХ-ын гишүүн Б.Бат-Эрдэнэ

Гадаад харилцааны яаманд анхаарал хандуулахгүй бол болохгүй болоод байна. Үндсэн гадаад харилцааны яамны ажилтнуудын дундаас ийм асуудал гараагүй гээд өмгөөлж байна лээ. Дандаа өөр бусад байгууллагаас ирсэн хүмүүс, техникийн ажилчдаас асуудал үүссэн гэх мэт бусдаас алдааг хайж байсан. Маш олон удаа харж ажиглаж байхад өөрсдийнхөө хүмүүсийг хүний ёсноос гадуур хүний хэмжээнд үнэлдэггүй шүү. Хандлагаа өөрчлөх хэрэгтэй.

Өөрсдөө Монгол төрийн өмнөөс өчнөөн эрх ямба эдлээд тэнд байр сууц бүх зүйлээр хангагдаад сууж байгаа хүмүүс юунд орооцолдож байгаа билээ. Энэ асуудлууд дээрээ маш сайн анхаар. Энэ асуудлуудыг бид хэлэхээс яах юм. Ийм байдлаар хандаж болохгүй ээ. Энэ асуудлыг дэмжмээр байгаа ч очоод энэ байдлаараа хууль бус зүйлд холбогдоод байвал яах вэ?