Эрдэнэ.С 2019.10.11 | Vip76.mn

С.Эрдэнэ: Алдсан бол буруугаа хүлээгээд, ард түмнээсээ уучлал гуй

Улсын Их Хурлын чуулганы өнөөдрийн /2019.10.11/ үдээс хойших нэгдсэн хуралдаанаар УИХ-ын гишүүн С.Бямбацогтын асуулга болох сайжруулсан түлшний талаарх Засгийн газрын мэдээллийг сонсч байна. Асуулгын хариуг Шадар сайд Ө.Энхтүвшин танилцууллаа.

Асуулгын хариутай холбогдуулан УИХ-ын гишүүд асуулт асуулаа. 

УИХ-ын гишүүн С.Эрдэнэ:

"Мэдээлэл өгч байгаа сайд нар хэт улё төржсөн байдалд эмзэглэж байна. Бид улс төрөөс илүү иргэдийнхээ эрүүл мэнд, амь насыг ярих үүрэгтэй. 169 гэж ярьж байна. Өнгөрсөн шөнө 15 өрхийн 32 иргэн дахиад хордсон байна. Нийт тоо 201 иргэн хордчихоод байна. 6 иргэн нас барсан. Зарим нь сэхээнд хүнд байна. Энэ агаарын бохирдолтой холбоотой биш иргэнийхээ эрүүл мэнд, амь нас, аюулгүй байдалтай холбоотой асуудлыг ярьж байна. Үндсэн хуулиараа иргэн хүн эрүүл аюулгүй орчинд тайван амгалан амьдрах эрхтэй. Үүнийг хангах нь Монголын төр, Засгийн газрын үүрэг.

Нэг зүйлийг хэлэхэд асуудалярьж байгаа өндөр албан тушаалтан нас барсан иргэд болон хохирсон иргэдээс хэн нь ч уучлал гуйхгүй байна. Бүгд л бие биерүүгээ буруу чихэж байна. Одоо иргэн өөрөө буруу хэрэглэсэн, зуухны буруу болж байна. Ийм арчаагүй байж болохгүй. Алдсан бол алдаагаа хүлээгээд ард иргэдээсээ уучлал гуй. Нөхөн олговор байдаг бол тэрийгээ өг. Та нарын буруу ш дээ.

Шинэ зүйлийг хэрэглэхийн тулд туршиж, шалгадаг олон улсын жишиг бий. Шахмал түлшийг тараахдаа уутан дээрхийг нь хараарай. Нэг ч анхааруулга, заавар байхгүй. Сургалт мэдээлэл өгөөгүй, хийгээгүй. Ийм арга ядсан юм хийдгээ боль. Ниргэсэн хойно нь хашгирав гэдэг шиг л юм хийхээ боль."