2019.10.24

М.Билэгт: Монголын үндэсний нөхөн сэргээгддэг баялагаа төр хамгаалах ёстой

Улсын Их Хурлын чуулганы өнөөдрийн /2019.10.24/ нэгдсэн хуралдаанаар Эрүүгийн хуульд өөрчлөлт, Зөрчлийн тухай хуульд нэмэлт оруулах тухай хуулийн төслүүдийн хэлэлцэх эсэх асуудлыг хэлэлцэж байна. Хуулийн төслийг санаачлагч нь УИХ-ын гишүүн С.Бямбацогт юм.

Одоо мөрдөгдөж буй Эрүүгийн хуулийн 17.12 дугаар зүйлийн 1 дэх хэсэгт “Бусдын малыг хулгайлсан бол хоёр зуун дөчин цагаас долоон зуун хорин цаг хүртэл хугацаагаар нийтэд тустай ажил хийлгэх, эсхүл 6 сараас 5 жил хүртэл хугацаагаар зорчих эрхийг хязгаарлах, эсхүл 6 сараас 5 жил хүртэл хугацаагаар хорих ял шийтгэнэ”, 17.12 дугаар зүйлийн тайлбарт ”Энэ зүйлд заасан “олон тооны мал” гэж 24 бог, 8 бодоос дээш малыг ойлгоно. Богийг бодод шилжүүлэхдээ нэг бодыг гурван богоор тооцно” гэж заасан байна.

Төсөлтэй холбогдуулан Төсөлтэй холбогдуулан УИХ-ын гишүүд асуулт асууж, үг саллаа.

УИХ-ын гишүүн М.Билэгт: 

"Монголын үндэсний нөхөн сэргээгддэг баялаг. Бид энэ өвөрмөц онцлог дээрээ л тогтвортой хөгжинө. Монголын соёл уламжлалыг авч явж байгаа үнэт өв сан, эдийн засгийн үндэс суурь, хүнсний аюулгүй байдал, тогтвортой хөгжлийн суурь, хүн амын амьжиргааны гол зүйл. Монголын төрийн гол зорилго бол иргэнээ ажил, орлоготой, түвшин амьдрах. Малчид бол хоол хүнсээр хангаж байгаа хүмүүс юм. Төр үүнд онцгой анхаарах ёстой. Малын хулгайн гэмт хэрэг бол онцгой анхаарал хандуулах ёстой. Мал бол өсөн үрждэг баялаг. 

Байнгын хорооноос асуухад, өмнөх хуулийн зохицуулалтаас яаж дээрдсэн бэ? Малын хулгайгаас болж хөдөөгийн иргэд тайван амьдарч чадахгүй байна. Нэг хоёроор нь биш адуугаар нь сууриар нь хулгайд алдаж байна. Тиймээс Монголын төр энэ тал дээр зохицуулалт хийх ёстой."

Түүний асуултад УИХ-ын гишүүн Х.Нямбаатар хариуллаа.