Ардчилсан хувьсгалын 30 жилийн ойн хүрээнд Монгол оронд иргэний хүмүүнлэг нийгмийг цогцлооход гар бие оролцсон үе үеийн ардчилагчдад төрийн шагнал гардуулах үйл ажиллагаа Дорнод, Сүхбаатар аймгуудад үргэлжилж байна.

Төрийн шагнал гардуулах үйл ажиллагаанд УИХ-ын гишүүн, Ардчилсан намын дарга С.Эрдэнэ, АН-ын ХЭГ-ын Намын байгуулалтын газрын дарга Ц.Уртнасан, Орон нутаг хариуцсан хэлтсийн дарга Б.Батцэцэг нар оролцож байна. Мөн аймгийн намын удирдлагууд болон АН-ын Үндэсний бодлогын хорооны гишүүд төрийн шагнал гардуулах үйл ажиллагаанд оролцож байгаа юм.