Сандагсүрэн.Ж 2019.12.13 | Дүүргийн Хэвлэл мэдээллийн алба

Сонгинохайрхан дүүргийн 188-р цэцэрлэгийн өргөтгөлийн барилга нээлтээ хийлээ

Сонгинохайрхан дүүргийн 188-р цэцэрлэгийн өргөтгөлийн барилга нээлтээ хийлээ

Сонгинохайрхан дүүргийн 22-р хорооны нутаг дэвсгэрт байрлах 188-р цэцэрлэгт 560 орчим хүүхэд хүмүүждэг. Тэгвэл өнөөдөр тус цэцэрлэгийн өргөтгөлийн барилгын нээлтийн ажиллагаа боллоо. Тус өргөтгөлийн барилга бусад цэцэрлэгүүдийнхээс маш их онцлогтой.

Тодруулбал Нийслэлийн Засаг даргын Тамгын газар, Германы олон улсын хамтын ажиллагааны нийгэмлэг зэрэг байгууллагуудын хамтран хэрэгжүүлж буй “Монгол дахь барилга байгууламжийн эрчим хүчний үр ашгийг дээшлүүлэх” төслийн хүрээнд баригдсан.  

Төслийн хүрээнд “Эрэл” ХХК, “Изохаус” ХХК, “Грандагуш” ХХК болон “Дэлгэр констракшн” компаниуд тус тус 48 м2 барилгыг цэцэрлэгийн өргөтгөл болгон барьсан байна. Ингэснээр тус цэцэрлэгийн гэр бүлэгт хичээллэж буй 4 бүлэг тохь тухтай өргөтгөлийн шинэ барилгадаа шилжин хичээллэх боломж бүрдэж байна.