Бүлгийн дарга Д.Тогтохсүрэн, МАН-ын бүлгийн өнөөдрийн хуралдаанаар ЗГ-аас УИХ-д өргөн мэдүүлсэн иргэдийн тэтгэвэр барьцаалсан зээлийг төрөөс нэг удаа төлөх тухай хуулийн төслийг хэлэлцэж, энэ хуулийн төслийг хуралдаанд оролцсон гишүүд дэмжсэн. Тэтгэврийн зээлийг тэглэж байгаа нь нийгмийн хамгааллын чиглэлээр авч буй том арга хэмжээ, бага орлоготой иргэдийг дэмжиж байгаа дэмжлэг болно гэж үзэж байна. Хуулийн төслийг энэ долоо хоногт байнгын хороод, УИХ-ын чуулганаар хэлэлцэгдэн шийдвэрлэгдэнэ. 

-Ажлын байрыг нэмэгдүүлэх чиглэлээр хөрөнгө оруулалт хийхгүй, яагаад тэтгэвэр тэглэх шийдвэр гаргаж байгаа юм бэ?

-ХНХ-ын сайд С.Чинзориг, Нийт 229 иргэн тэтгэвэр барьцаалсан зээл авсан байна. Тэтгэвэр барьцаалан зээл авч байгаа иргэдийн 90 хувь нь 6 саяас доош төгрөгийн зээлтэй байна. 1-2 жилийн хугацаатай тэтгэвэр барьцаалсан зээл аваад, гар дээрээ орлогогүйгээр амьжиргаагаа залгуулна гэдэг хүнд. Засгийн газар байгуулагдсанаас хойш тэтгэврийн зээлийн хүүг бууруулж, 10 хувь болгосон. Гэхдээ нөгөө талаас хүү бага байгаа нь зохиомол зээлийн эрэлтийг нэмэгдүүлж байгааг үгүйсгэх аргагүй. Зээлээс зээлийн хооронд амьдарч байгаа ахмадуудаа төр нэг удаа харж үзье гэж ЗГ шийдвэрлэсэн. 

-Зээл аваагүй ахмадуудад ямар дэмжлэг үзүүлэх вэ?

-Одоогийн байдлаар ҮАБЗ-өөс тэтгэвэр барьцаалсан зээлийг тэглэх чиглэлээр зөвлөмж гаргасан. Засгийн газар тэтгэвэр барьцаалсан зээлийг тэглэх  чиглэлээр ажиллаж байна. Зээл аваагүй 180 мянган ахмадуудын асуудал яригдаагүй.