Улсын Их Хурлын чуулганы өнөөдрийн (2020.01.16) хуралдаанаар Усны тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн “Тогтоолын хавсралтад нэмэлт оруулах тухай” Улсын Их Хурлын тогтоолын төслийг /Засгийн газар 2019.09.25-ны өдөр өргөн мэдүүлсэн/ хэлэлцлээ.

Энэ үеэр УИХ-ын гишүүн М.Билэгт

Усны агентлаг байгуулах бол нэг асуудал. Гэтэл яамдын зохицуулах асуудлыг БОАЖЯ, агентлаг хариуцах болоод байна. Сав газруудын усны нөөцийг тогтоох судалгаа байна уу?

Манай орон хүн ам цөөтэй, том газар нутагтай, үйлдвэрлэл хөгжөөгүй. Гэтэл уул уурхайн олборлолт явуулж байгаа байгууллагууд л усны нөөц багасах эрсдлийг бий болгож байгаа. Жишээ нь: Оюутолгой гүнийн усыг маш их ашиглаж байгаа. 200-300 метрийн гүнээс ус авч ашигладаг.

Эдгээр нь эргээд 10 мянгаас 20 мянган жилийн дараа сэргээгддэг гэж эрдэмтэн судлаачид тодорхойлсон байдаг. Энэ бол маш том эрсдэл. Уул уурхайн олборлолт байгаль сүйдэлж дууслаа. Үүнд ямар арга хэмжээ авах вэ?

Агентаг байгуулчихаад үнэ тариф тогтоож хянаж зохицуулах асуудлыг хариуцуулах гээд байна. Яамдуудын ажлыг авах гээд байна. Мэргэжилийн хяналтын ерөнхий газар гэж байгууллага байна. Танайх бодлого зохицуулалт сав газруудын усны нөөцийг тогтоох ёстой.