Энхтүвшин.Ө Сарангэрэл.Д 2020.01.24 | Vip76.mn

Д.Сарангэрэл: Ирэх даваа гаригаас бүх сургууль, цэцэрлэг ажиллахгүй

Д.Сарангэрэл: Ирэх даваа гаригаас бүх сургууль, цэцэрлэг ажиллахгүй

БНХАУ-д гараад байгаа коронавирусын халдвартай холбогдуулан Эрүүл мэндийн сайд Д.Сарангэрэл гурван асуудлаар санал оруулж, Улсын онцгой комисс хуралдлаа. 

Эрүүл мэндийн сайд дараах 3 асуудлаар санал оруулсан байна. Үүнд

  1. Өмчлөлийн хэлбэрээс үл хамааран ЕБС, цэцэрлэгийг гуравдугаар сарын 2-ныг хүртэл хаах
  2. Эмнэлгийн тусламжийн бэлэн байдлыг хангах үүднээс эм тарианы төсвийг яаралтай шийдвэрлүүлэх 
  3. Урд хөрштэй хиллэдэг хилийн боомтуудын хөдөлгөөнийг тодорхой хэмжээгээр хязгаарлах тухай саналыг

Шадар сайд Ө.Энхтүвшингөөр удирдуулсан онцгой комисс хэлэлцлэн шийдвэрлэлээ. 

Энэ талаар Эрүүл мэндийн сайд Д.Сарангэрэл дараах тодруулгыг өглөө. 

Өнөө өглөө бид Дэлхийн эрүүл мэндийн байгууллагын Номхон далайн баруун бүсийн захирал Такеши Касайтай  албан ёсны ярилцлагыг утсаар хийлээ. Өглөө 10 цагт БНХАУ-д халдвар авагсдын тоо 844, нас баралт 25 болсон тухай мэдээлэл өгсөн. Гэтэл сая Улсын онцгой комисс хуралдаж байх үед халдварын тоо 886,  нас баралт 26 болж өссөн. Ер нь бол корона вирусийн тархалт өндөр байна. Манай улсын хувьд БНХАУ-тай хиллэдэг улсын хувьд эрсдэл өндөртэй байна гэж үзэж байна. Нөгөө талаасаа манай улсад томуу, томуут төст өвчлөл өндөр байгаа. Тэгэхээр энэ цаг үед Эрүүл мэндийн яам Онцгой комисст 3 асуудал оруулсан. Үүнээс Улсын онцгой комисс 3-р асуудлыг Засгийн газрын хуралдаанаар хуралдаж, шийдвэрлэхээр боллоо. Бусад саналыг дэмжиж, Онцгой комисс баталгаажууллаа.