Өнөөдөр буюу /2020.01.31/-нд Хөдөлмөр нийгмийн хамгааллын яамны байранд Хөдөлмөр эрхлэлтийн үндэсний зөвлөлийн хурал боллоо.

Тус хурлаар өнгөрсөн жил Хөдөлмөр эхлэлтийн үндэсний зөвлөлөөс хийж хэрэгжүүлсэн хөтөлбөрүүдийн үр дүн төсвийн гүйцэтгэл, Хөдөлмөр эрхлэлтийг дэмжих хөтөлбөрүүдэд нэмэлт өөрчлөлт оруулах, Хөдөлмөр эрхлэлтийн дэмжих сангийн 2020 оны төсвийн төслийг хэлэлцлээ. МҮЭХ ны дэд ерөнхийлөгч С.Эрдэнэбат Орон нутгийн онцлогт төслийн зээлтэй холбоотой мэдээллийг тавьж хэлэлцэхийг санал гаргаж мэдээлэл сонслоо.

2019 онд Хөгжлийн бэрхшээлтэй иргэн ажиллуулаагүйн ажлын байрны төлбөрийн орлого 3 дахин нэмэгдэж, гадаад ажилчдаас авах ажлын байрны төлбөр мөн нэмэгдэж ХЭДС ийн орлого нэмэгджээ.

Мөн 2019 онд бүсчилэн хийсэн хөдөлмөр эрхлэлтийн бүсийн зөвлөгөөнөөр гаргасан зарим саналуудыг төсөв болон холбогдох хөтөлбөрүүдэд өөрчлөлт оруулахаар боллоо.

МСҮТ ийн оюутнуудад энэ жилээс сар бүр 200 мянган төгрөгийн тэтгэлэг олгох бөгөөд Хөгжлийн бэрхшээлтэй иргэдэд олгож буй санхүүгийн дэмжлэгийн эргэн төлөлтийг 50 хувиар хөнгөлнө.

Хөдөлмөр эрхлэлтийг дэмжих чиглэлээр нийгмийн түншлэгч талууд сум хороо бүрт хүрч ажиллах шаардлагатай байгаа бөгөөд хамтран ажиллах чиглэл шинэ хөтөлбөрүүдийг дараагийн хурлаар хэлэлцэхээр боллоо.

Хөдөлмөр эрхлэлтийн үндэсний зөвлөл хуралдлаа