Энэ жил нэг их наядын төгрөгийн орлоготой ажилласан “Эрдэнэс Тавантолгой” ХК тавдугаар сарын 1-нд 2.5 сая хувьцаа эзэмшигчдэдээ ногдол ашгаа тараах гэж байна. Тус компани нэг ширхэг хувьцааг 90 төгрөгөөр үнэлж байгаа юм.

Ногдол ашиг тараах болсонтой холбоотой мэдээллийг багцлан хүргэж байна.

ХУВЬЦААНЫ ТОО ШИРХЭГ

"Эрдэнэс Тавантолгой" ХК ногдол ашгаа тараах болсноо зарласнаас хойш цахим орчинд болон 18001072 утсанд ирж буй нийт дуудлагын 40 хувийг хувьцааны тоо ширхэгтэй холбоотой мэдээлэл авах хүсэлтэй иргэд ханджээ.

Хэрвээ та хувьцааныхаа тоо, ширхгийг мэдэхийг хүсвэл:

18001072 утас
• Үнэт цаасны төвлөрсөн хадгаламжийн төвийн сайт – https://www.schcd.mn/ -д хандаж, регистрийн дугаараа оруулан харах боломжтой.
• ETT аппликейшнийг утсандаа татан авч, ногдол ашиг болон хувьцааны тоогоо харах боломжтой.

ХУВЬЦААНЫ ТОО, ШИРХЭГ ЗӨРҮҮТЭЙ ТОХИОЛДОЛ:

Эрдэнэс Таван Толгой” ХК-ийн хувьцааг иргэдэд эзэмшүүлэхдээ Хүний хөгжлийн сангаас хишиг хувь хүртсэн мөнгөн дүнгээр хасагдуулсан. Үүнд дараах төрлөөр хишиг хувь хүртсэн иргэд хамрагдана.

2011 онд оюутны сургалтын төлбөр /500 мянган төгрөг хүртэл/
2012 онд оюутны сургалтын төлбөр /491 мянга 960 төгрөг хүртэл/
2011 онд эрүүл мэндийн даатгал /8,040 төгрөг хүртэл/
Ахмад болон хөгжлийн бэрхшээлтэй иргэдэд олгосон 1 сая төгрөг хүртэл хэлбэрээр
2016 онд Сайн хувьцаа /100 мянгаас-300 мянган төгрөг/

“Эрдэнэс Тавантолгой” ХК-ийн хувьцааг эзэмшигч та брокер дилерийн компанид хандаж, хувьцааныхаа дансыг нээлгэх боломжтой. Брокер дилерийн компанийн жагсаалтыг ЭНД дарж харна уу.

Өнөөдрийн байдлаар 1 сая 854 мянган иргэн хувьцааны дансаа нээлгэжээ. Дансаа хараахан нээлгээгүй иргэд онлайнаар болон үнэт цааны компани дээр очиж, нээлгэж болно. Онлайнаар данс нээх боломжтой 11 брокер дилерийн компани байна.

Иргэд хувьцааны дансаа давхардуулж нээлгэж байгаа тул дансаа нээлгэхээсээ өмнө та хувьцааны данстай эсэхээ хамгийн эхэнд шалгахыг зөвлөж байна. Хувьцааны данстай эсэхээ мөн адил доорх мэдээллээс харах боломжтой.
- 18001072 утас
- Үнэт цаасны төвлөрсөн хадгаламжийн төвийн сайт – https://www.schcd.mn/ -д хандаж, регистрийн дугаараа оруулан харах боломжтой.
- ETT аппликейшнийг утсандаа татан авч, ногдол ашиг болон хувьцааны тоогоо харах боломжтой.
Үүний зэрэгцээ, хэрвээ та ногдол ашгаа авах гэж байгаа бол бүртгүүлсэн боркер дилерийн компани дээрээ очиж, арилжааны банкны харилцах дансаа баталгаажуулах ёстой. Ингэснээр ногдол ашиг баталгаажуулсан данс руу шилжинэ. Хэрвээ та давхар өөр компанийн хувьцаа эзэмшдэг бол тухайн компанийн ногдол ашиг тэрхүү харилцах данс руу нь орно. Хэрвээ харилцагч арилжааны банкаа эсвэл харилцах дансаа өөрчилбөл тухайн үнэт цаасны компани дээр очиж, шинэ дансаа баталгаажуулах ёстой.

НАС БАРСАН ХҮНИЙ ХУВЬЦААГ ӨВӨЛЖ АВАХ ТОХИОЛДОЛД

Санхүүгийн зохицуулах хорооны үнэт цаасаар гэрчлэгдсэн өмчлөх эрхийг бусдад өвлүүлэх, бэлэглэх тухай шинэчилсэн журмын дагуу 1072 хувьцаа нээлттэй болсон тохиолдолд тухайн гэр бүлийн гишүүн өмчлөх эрхийг нь авна. Тухайн үед үнэт цаасны төвлөрсөн хадгаламжийн төв дээр холбогдох материалыг бүрдүүлж, очоод авч болох аж. Энэ бол нээлттэй болсон тохиолдолд бэлэглэх болон өвлүүлэх эрх нь нээгдэнэ гэсэн үг юм. Одоо хувьцаа амилаагүй, хаалттай байгаа болохоор өв залгамжлах эрх нээгдээгүй байгаа. Монголын хөрөнгийн зах зээлд манай хувьцаа арилжаалагдаад эхэлсэн үед нас барсан иргэний хувьцааг шилжүүлэх эрх үүснэ.

Тухайн хүний хувьцаа нь алга болохгүй, ногдол ашиг нь гэр бүлийн гишүүн, үр хүүхдүүдэд нь өвлөгдөнө гэдгийг "Эрдэнэс Тавантолгой" ХК зүгээс мэдэгджээ.

1072 хувьцааг тойрсон асуултууд