Б.Дэлгэрсайхан 2020.04.10 | Vip76.mn

Б.Дэлгэрсайхан: Замын-Үүдэд ажиллаж байгаа ажилчдын томилолтыг хэрхэн шийдвэрлэх вэ?

УИХ-ын чуулганы Баасан гаригийн үдээс хойших нэгдсэн хуралдаан эхэллээ. Тус хуралдаанаар Улсын Их Хурлын гишүүн Д.Оюунхорол, С.Бямбацогт, М.Оюунчимэг, Я.Санжмятав, Л.Энх-Амгалан, Д.Эрдэнэбат нарын гишүүдээс “Монгол Улсад короновирус /СОVID-19/-ийн халдварын тархалтын эрсдэл өндөр хэвээр байгаатай холбогдуулан нийгэм, эдийн засагт сөргөөр нөлөөлж буй хор уршгийг үнэлэн тооцоолох, ард иргэдийн амжиргааг дээшлүүлэх, нийгэм, эдийн засгийн тогтвортой байдлыг сэргээх, гамшгийн бэлэн байдлыг сайжруулах чиглэлээр Засгийн газраас авч хэрэгжүүлж буй арга хэмжээний талаар” тавьсан асуулгын хариуг сонслоо. 

Гишүүд асуулгын хариутай холбогдуулан асуулт асууж хариулт авч байна. 

Энэ үеэр УИХ-ын гишүүн Б.Дэлгэрсайхан

Өнгөрсөн хугацаанд Замын-Үүд боомтоор Хятад улсаас нэлээдгүй хүн орж ирсэн. Замын-Үүдэд ажиллаж байгаа засаг захиргааны байгууллагууд мэргэжилтнүүд маш сайн ажиллаж байгаа. 2 сарын 1-ээс хойш энэ ажлыг зохион байгуулж ажиллаж байгаа хилийн цэрэг, хил хяналтын байгууллага , АТҮТ-ын Замын-Үүд дэхь салбар, Онцгой байдал, нэгдсэн эмнэлэг гээд бүгд 24 цагаар ажиллаж байгаа. Энэ хүмүүсийн томилолтын зардал нэмэлт цагийг тооцож өгөх боломж байна уу? 

Замын-үүдэд 1500 гаруй жолооч тээвэрлэлтэд явж амьжиргаагаа залгуулдаг. Өнөөдрийн үүссэн нөхцөл байдлаас болоод иргэд ажилгүй цалин орлогогүй бухимдалтай байна. Тиймээс ачаа тээвэрлэх зорилгоор 200 микро машиныг  Эрээн хот руу оруулахгүйгээр наад Эрээн боомтын чөлөөт худалдааны бүсэд өдрийн цагаар ариутгал халдваргүйжүүлэлт хийгээд оруулж өгөөч.

Мөн Замын-Үүдын терминал дээрээс нүүрс ачигдаж байгаа. Өдөрт нэлээд олон машин явж байгаа. Хувийн машинтай хүмүүс үүнд хамрагдаж чадахгүй байна. Энэ хүмүүст Д зөвшөөрөл олгож өгөх боломж байна уу? 

Түүний асуултанд Шадар сайд Ө.Энхтүвшин хариуллаа.