2020.04.23

Ж.Бат-Эрдэнэ: Эдийн засгийн тогтвортой байдал дээр анхаарах хэрэгтэй

УИХ-ын чуулганы өнөөдрийн \2020.04.23\ нэгдсэн хуралдаанаар Коронавируст халдвар (COVID-19)-ын цар тахлаас урьдчилан сэргийлэх, тэмцэх тухай болон холбогдох бусад хуулийн төслийг хэлэлцэж байна. 

Энэ үеэр УИХ-ын гишүүн Ж.Бат-Эрдэнэ:

Онцгой байдлаас хамгаалах хуулинд өөрчлөлт оруулах зайлшгүй шаардлага байгаа. Гал ус түймрийн нөхцөл байдалд ажиллаж байсан туршлага бидэнд байгаа. Өнөөдрийн нөхцөл байдалд зөвхөн бидний биш дэлхийн нийтийн өмнө тулгамдсан хүнд байдал үүсээд байна. 

Тиймээс бүх хуулиа уялдуулах,  онцгой байдлын асуудал хариуцсан төрийн захиргааны байгууллагууд, Засгийн газрын гишүүд ямар байр суурьтай, үүрэгтэй  байх вэ гэдэг дээр нэлээд анхаарах ёстой.  Ард иргэдийн хариуцлагыг тодорхой оруулж ирж байгаа нь зөв. 

Эдийн засгийн тогтвортой байдал дээр анхаарах хэрэгтэй. Бид өнөөдөр энэ нөхцөл байдалд эдийн засаг ямар байдалд орж байгааг бид харж байна. Энэ нөхцөл байдлаас хэрхэн гарах тэр дундаа дотоодын үйлдвэрлэлүүдийг дэмжих хүрээнд ямар арга хэмжээ авах вэ гэдэг дээр тодорхой заалтууд байна уу. Ямар салбаруудад ямар заалтууд оруулж ирэх боломж байна вэ. 

Түүний асуултанд УИХ-ын гишүүн Ж.Энхбаяр хариуллаа.