2020 оны УИХ-ын сонгууль дөхөж намууд нэр дэвшигчидээ зарлах цаг дөхсөөр. Гишүүд өнгөрсөн 4 жилд хийж бүтээсэн ажлаа ард түмэндээ тайлагналаа.

МАН энэ удаагийн сонгуульд 16 эмэгтэй нэр дэвшигчийг сойхоо мэдэгдсэн. Харин хэн хэнийг дэвшүүлэх вэ гэдэг асуудал ихээхэн дуулиантай, нам дотроо өрсөлдөөн ихтэй байна. Тэгвэл энэ удаагийн сонгуульд намын томоохон хүчнүүд өөрийн итгэл даасан, улс төрийн манлайлалтай, иргэд олон нийтэд нэр цэвэр, хүлээн зөвшөөрөгдсөн, туршлагатай эмэгтэй улс төрчдөө урдаа барьж сонгуульд хүч үзэх нь ээ.

МАН-аас УИХ-ын гишүүнд Д.Оюунхорол, АН-аас УИХ-ын гишүүн З.Нарантуяа нар сонгуульд эмэгтэйчүүдээ манлайлж оролцох талаар зарим эх сурвалжийн мэдээлэл байна.

МАН-ын хувьд танхимдаа бодлогын түвшинд бэлтгэгдсэн, намын эв нэгдлийг сахидаг, зарчимч, гол тулах хүч болсон Д.Оюунхоролоо сонгож байгаа бол АН-аас тулхтай, чадвартай, намын гишүүддээ хүлээн зөвшөөрөгдсөн З.Нарантуяаг сонгож байгаа бололтой.

Д.Оюунхорол нь эрх зүйч, математикч мэргэжилтэй. Тэрээр НББСШУ-ны байнгын хорооны даргаар ажиллах хугацаандаа Эрүүл мэндийн тухай хуульд нэмэлт, өөрчлөлт оруулах туха йхууль, Зарим иргэдийн тэтгэврийн хэмжээг нэмэгдүүлэх тухай хууль, Гэр бүлийн хүчирхийлэлтэй тэмцэх тухай хуульд нэмэлт өөрчлөлт оруулах хуулийн төслийг боловсруулах, Гэр бүлийн тухай хуулийн шинэчилсэн найруулгын төслийг нэгдсэн хуралдааных элэлцүүлэгт бэлтгэх, санал, дүгнэлт гаргах үүрэг бүхий ажлын хэсгийг ахалж, УИХ-аар тус хуулиудыг хэлэлцүүлэн батлуулжээ.
Мөн эрүүл мэндийн салбарын санхүүжилтийг нэмэгдүүлэхэд онцгой анхаарч ажилласан. Тухайлбал, Өрхийн эрүүл мэндийн төвийн санхүүжилтийн тарифыг 2 дахин нэмэгдүүлж, уг арга хэмжээнд шаардагдах 26.7 тэрбум төгрөг, Хавдар судлалын үндэсний төвийг 120 ороор өргөтгөхөд шаардагдах 19.8 тэрбум төгрөгийн санхүүжилтийг 2020 онытөсөвт суулгасан. Энэ төсөв шийдэгдсэнээр ХСҮТ-т амбулаторийн 12 кабинет, мэс заслын 4 өрөө шинээр нэмж ажиллуулах, эмнэлгийн хүчин чадал 74 хувиар нэмэгдэж, хүлээлт 2 дахин буурах боломжийг бүрдүүлсэн. Түүнчлэн үдийн цай хөтөлбөрийг үдийн хоол болгож хуулд нэмэлт өөрчлөлтийг оруулж ажиллажээ.

Тэгвэл сөрөг хүчин болох АН-аас туршлагатай, ноён нуруутай, намынхаа итгэлийг хүлээсэн, олон нийтэд дуу хоолойгоо өргөдөг З.Нарантуяаг сонгуульд манлайлж оролцуулахаар болсон бололтой.

2016 оны УИХ-ын сонгуулиар З.Нарантуяа нь Завхан аймгаас сонгогдсон бөгөөд өнгөрсөн хугацаанд сөрөг хүчнийхээ үүргийг хариуцлагатай гүйцэтгэж, шийдвэр гаргах түвшний эмэгтэйчүүдийн тоонд бүрэн багтсан юмаа.

З.Нарантуяа нь хуульч, эрх зүйч мэргэжилтэй. Төв банкинд мэргэжилтнээс эхлээд дандаа эдийн засаг, мөнгө санхүүгийн хариуцлагатай албан дтомилогдож ажиллажээ. Түүний хувьд Монгол шуудан компаний дэд захирал, Хадгаламж банкны гүйцэтгэх захирлын орлогч, Парита энд Партнерс хууль, хөрөнгө оруулалт, санхүүгийн зөвлөх компаний үүсгэн байгуулаг, ерөнхий захирлаар тус тус ажилласан. 2016 онд намынхаа эмэгтэй гишүүдийг цойлон ганцаараа гарч ирсэн тэрээр УИХ-д сайн ажилласан эмэгтэй гишүүдийн нэгээр зүй ёсоор бичигдэнэ.

Дашрамд сонирхуулахад дээрх хоёр гишүүд хоёулаа Завхан нутгийн харъяат. Хийсэн зүйл, хэлэх үгтэй хүмүүс. Энэ удаагийн сонгуульд нэр дэвшигч эмэгтэйчүүдийн цензурыг улам өндөрсгөж, гарцаагүй ялалт авчрах нэр хүнд сайтай, бодлогын түвшинд ажиллах чадвараараа намдаа бүрэн хүлээн зөвшөөрөгдсөн бүсгүйчүүдийг намууд сойх нь тодорхой болжээ.

МАН-аас Д.Оюунхорол, АН-аас З.Нарантуяа нар СОНГУУЛЬД эмэгтэйчүүдээ манлайлж оролцоно