УИХ-ын гишүүн С.Чинзориг дэлхийн багш нарын баярын мэндийг хүргэж, үе үеийн багш нартаа баярын мэндчилгээ дэвшүүллээ.

ЮНЕСКО-гийн санаачилгаар жил бүрийн 10-р сарын 5-ныг Дэлхийн багш нарын өдөр хэмээн онцлон тэмдэглэдэг.

Дэлхийн өнцөг булан бүрт багш нарт талархал илэрхийлэх, тэдний хөдөлмөрийг үнэлэх, багш хэмээх энэхүү хариуцлагатай мэргэжилд олон түмний анхаарлыг хандуулах, багшийн нэр хүндийг өргөх, улс орны хөгжил цэцэглэлтэнд тэдний гүйцэтгэж буй асар их нөлөөг онцолж, тулгарч буй асуудал бэрхшээлийг шийдэхийг хичээж байгаагийн илэрхийлэл, дуу хоолойгоо нэгтгэх, хийж бүтээснээ дүгнэх чухал энэ өдрийн мэндийг эрдэм номын дуусашгүй аяны их хөтөч эрхэм багш нартаа дэвшүүлж, хамгийн сайн сайхныг хүсэн ерөөе.

Өвөрхангай аймаг сүүлийн хэдэн жилийн турш ЭЕШ-д улсдаа тэргүүлсэн их амжилтын эзэд эрдэм мэдлэг төгс ЕБС-ийн багш нартаа, сурч, мэдэх их хүслийг цэцэрлэгийн босго алхсан балчир үеэс нь суулгаж чаддаг СӨББ-ынхандаа онцгойлон баярын мэнд дэвшүүлье.
Мөн намайг номын номоос гадна, хүний номтой болоход аав ээжийн минь адил бүхий л сэтгэл зүрхээ зориулсан Хужиртын сургуулийн үе үеийн багш нар, МУИС-ийн эрдэмтэн мэргэддээ мэхийн хүндэтгэе.