Согоо энтертайнмент болон Анчин эрчүүд нийлж бүрдсэн хандиваар 40 ширхэг халдвар хамгааллын хувцас хандивлаж ХОТ ТОХИЖИЛТЫН ГАЗРЫН дарга Банзарын Мөнхцэцэгт хүлээлгэн өглөө.

Хот тохижилтын газар /ОНӨААТҮГ/ өндөржүүлсэн бэлэн байдалд ажиллаж байна. Нийслэлийн 6 дүүргийн гудамж зам талбайн цэвэрлэгээ, Төвлөрсөн хогийн цэгүүдийн хог дарж булах, Нийтийн бие засах газрын үйлчилгээнд нийт 521 хүн ажиллаж байна.

Зам цэвэрлэгээний 14, Хог тээврийн 19, Үйлчилгээний 8 машин, 12 бичил техник, 3 механизм, ТХЦэгүүдэд 6 механизм ажиллалаа. Төвлөрсөн 3 хогийн цэгт 2020 оны 11-р сарын 18-ны 00:00 цагийн байдлаар 257 машин 772 рейс 3285 тн хог хаягдал хүлээн авчээ.

Нийтийн бие засах газрууд цагийн хуваарийн дагуу ажиллаж байна.
Хариуцсан зам талбайн зорчих хэсэгт гулгаа үүссэн Ард аюушын гудамж, Хасбаатарын гудамж гэмтлээс дээш өгсөх хэсэгт, Гурвалжин гүүр, Нарны гүүр Зайсангийн гудамжнаас Ханбогд зогсоол хүртэл, Хувьгалчдын гудамж Баянхошууны хөтөл Яармагын гүүрт Нийт 2 тн давс, 3 тн бодис цацан ажиллажээ.

Анчин эрчүүд Хот тохижилтийнхонд 40 ширхэг халдвар хамгааллын хувцас хандивлалаа