2021.01.04

Хот тохижилтийн газрын ажилчид "Ковид-19 ДААТГАЛ"-д хамрагджээ

Өвлийн улиралд хотын утаанаас дутахгүй нэгэн асуудал гарч ирдэг нь халтиргаа, гулгаа. 

Нийслэлийн өмчит “Хот тохижилт” компани Улаанбаатар хотын 337 км зорчих хэсгийн зам буюу нийт 4 сая 974 мянган ам метр талбайн цэвэрлэгээ үйлчилгээ, 46 га ногоон байгууламжийн арчилгаа, тордолгоо, нөхөн сэргээлтийн ажлыг хариуцан гүйцэтгэдэг. Мөн Улаанбаатар хотын төвлөрсөн том гурван хогийн цэгийн цэвэрлэгээ, үйл ажиллагааг хариуцдаг.

Дээрх ажлыг зам талбайн 255 үйлчлэгч, ногоон байгууламжийн 90 ажилтан, жолооч ачигч 54 хүн, нийт 399 хүн гүйцэтгэдэг. 

Харин цар тахлын энэ хүнд үед Хот тохижилтын газрын дарга Б.Мөнхцэцэг нийт ажилтан, албан хаагчидаа болзошгүй эрсдэлээс сэргийлж Ковид-19 ДААТГАЛД хамруулан ажилласан байна.

Хариуцсан зам, талбай 4.9 сая ам.метр ба 255 үйлчлэгчид хувааж үзвэл нэг хүнд 19.215 ам метр талбайн цасыг цэвэрлэх үүрэг оногдож байна. Энэ хэмжээний талбайг өдөр бүр цэвэрлэдэг тэд өдөртөө доод тал нь 10-12 км газар явган алхдаг. Энэ өдрүүдэд өдөртөө 182 удаагийн рейсээр нийт 87 тн цасыг ачиж хаяж байна.  Үйлчлэгчдийн дундаж цалин 676 мянга, ачигчдын цалин 678 мянга, жолооч нарын цалин 718 мянган төгрөг байдаг.  


Мөн тэрээр Хот тохижилтийн газрын Авто баазын ажилчдын ажиллах нөхцлийг сайжруулж Сургалтын өрөө, уулзалт соёлын танхим, инженерүүдийн ажлын өрөө, цех, амралтын өрөө, цайны газрын тохижилтийг 2020 онд хийж гүйцэтгэсэн байна.