УИХ-ын гишүүн С.Чинзориг УИХ-ын намрын чуулганаар хэлэлцэж буй хэд хэдэн хуулийн Ажлын хэсгийг ахалж буйн нэг нь Гэр бүлийн тухай хуулийн шинэчилсэн найруулгын төсөл юм. Тэрээр энэхүү хуулийн төслийг 2019 оны хавар /2019.04.09/ Хөдөлмөр, нийгмийн хамгааллын сайдаар ажиллаж байхдаа УИХ-д өргөн барьсан билээ.

Монгол Улсын Гэр бүлийн тухай хууль 1999 онд батлагдсанаас хойш 6 удаа нэмэлт, өөрчлөлт оруулжээ. Түүнчлэн 2003 онд Монгол Улсын төрөөс гэр бүлийн хөгжлийн талаар баримтлах бодлого, 2016 онд Төрөөс хүн амын хөгжлийн талаар баримтлах бодлого, Гэр бүлийн хүчирхийлэлтэй тэмцэх тухай хууль шинэчлэгдэн батлагдсан юм.

Хэдийгээр гэр бүлийн харилцаа, хөгжлийн чиглэлд эрх зүйн бодлогын баримт бичгүүд ийнхүү батлагдсан ч бодит байдал дээр гэр бүл, нийгмийн амьдралд ихээхэн өөрчлөлт гарч, залуус гэрлэлтээ батлуулахгүйгээр хамтран амьдрах, гадаадын иргэнтэй гэр бүл болох зэргээр иргэд гэр бүлийн харилцаанд чөлөөтэй хандах болсон төдийгүй гэр бүл цуцлалт, гэр бүлийн гишүүдийн маргаан, гэр бүл дэх хүүхдийн эрхийн зөрчил, гэр бүлийн хүчирхийлэл байсаар байна. Гэр бүл цуцалсны дараа хүүхдийн тэтгэлгnau хугацаандаа бүрэн төлөхгүй байх, хүүхдэд тавих эцэг, эхийн анхаарал, халамж суларснаас хүүхдийн аж байдал, сурлага, хүмүүжилд сөрөг нөлөө үзүүлэх зэргээр хүүхдийн эрх гэр бүлийн хүрээнд зөрчигдөж байна. Тиймээс гэр бүлийн тухай хуулийг шинэчлэх шаардлага үүссэн учраас ийнхүү хуулийн шинэчилсэн найруулгыг боловсруулсан юм.

Гэр бүлийн тухай хуулийн ажлын хэсэг хуралдаж шинэчилсэн найруулгын төсөлд туссан асуудлуудаас гадна төсөлд тусгах шаардлагатай зарчмын зөрүүтэй саналуудын талаар ярилцсан байна.

Гэр бүлийн тухай хууль нийт 10 бүлэг, 102 зүйлтэй том хууль юм. Шинэчилсэн найруулгаар уг хуулийн 80 гаруй хувьд өөрчлөлт оруулж,

“Гэр бүлийг дэмжих төрийн байгууллагын чиг үүрэг, тогтолцоо”,
“Гадаадын иргэн болон харьяалалгүй этгээд оролцсон гэр бүлийн харилцаанд гэр бүлийн хууль тогтоомжийг хэрэглэх” гэсэн 2 бүлгийг шинээр нэмжээ.

УИХ-ын гишүүн С.Чинзориг өмнөх парламентын үед салбарын сайдын хувиар Гэр бүлийн тухай хуулийн шинэчилсэн найруулгын төслийг санаачлан боловсруулж, одоогийн парламентад хууийн төслийг УИХ-аар хэлэлцүүлэх ажлын хэсгийг ахлан ажиллаж байгаа нь УИХ-ын гишүүний хувьд хууль, бодлого боловсруулах үндсэн үүргээ чанд сахин биелүүлэхийн зэрэгцээ, хуулиа сахигч байж чаддагийг илтгэн харуулж байна.

С.Чинзориг: Гэр бүлийн тухай хуулийн 80 гаруй хувьд өөрчлөлт оруулж байна

С.Чинзориг: Гэр бүлийн тухай хуулийн 80 гаруй хувьд өөрчлөлт оруулж байна