Ц.Мөнхцэцэг 2021.01.19 | УИХ-ын Хэвлэл мэдээллийн алба

Барааны тэмдэг, газар зүйн заалт болон Зохиогчийн эрхийн тухай хуулийн Ажлын хэсгийг байгууллаа

Барааны тэмдэг, газар зүйн заалт  болон Зохиогчийн эрхийн тухай хуулийн Ажлын хэсгийг байгууллаа

Улсын Их Хурлын Хууль зүйн байнгын хорооны өнөөдрийн (2021.01.19) хуралдаан 09 цаг 22 минутад 52.6 хувийн ирцтэйгээр эхэлж, гурван асуудал хэлэлцэхээр тогтлоо.

Байнгын хорооны өнөөдрийн хуралдаанаар ажлын хэсгүүд байгуулах тухай Байнгын хорооны тогтоолуудыг баталсан. Барааны тэмдэг, газар зүйн заалтын тухай хуульд нэмэлт, өөрчлөлт оруулах тухай хуулийн төсөл, Зохиогчийн эрх болон түүнд хамаарах эрхийн тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүдийг Байнгын хорооны болон чуулганы нэгдсэн хуралдаанаар хэлэлцүүлэх бэлтгэл хангах, санал, дүгнэлтийн төсөл боловсруулах үүрэг бүхий ажлын хэсгийг Улсын Их Хурлын гишүүн Ц.Мөнхцэцэгээр ахлуулан байгуулахаар шийдвэрлэлээ.