10161
2021.01.29

С.Чинзориг: Шинэ сайдууд яамны ажилчдаа халж, солих ажлаа зогсоох хэрэгтэй

УИХ-ын чуулганы өнөөдрийн \2021.01.29\ хуралдаанаар Монгол Улсын Ерөнхий сайд Л.Оюун-Эрдэнэ Засгийн газрын гишүүдийг танилцуулж байна. 

Гишүүд Засгийн газрын гишүүдээс асуулт асууж хариулт авлаа.

УИХ-ын гишүүн С.Чинзориг: 

Ерөнхий сайд Үндсэн хуулиар олгогдсон эрхийнхээ дагуу, Засгийн газрын гишүүдээ бүрдүүлж байна. Төрийн нэг албан хаагч хяналт сул ажиллахад, засгийн газар огцордог жишиг тогтлоо. Цаашдаа Засгийн газрын гишүүд Их хуралтайгаа хамтарч ажиллах хэрэгтэй. Залуу сайд нарт Ц.Нямдорж сайд зөвлөж, чиглэж ажиллана гэж найдаж байна.

Оюутны сургалтын төлбөрийн асуудлыг шийдэх хэрэгтэй.Хөдөө орон нутагт ажиллаад ирлээ. Цахим орчны боломжгүйгээс болж хүүхдүүд хоцрогдолд орж байна. Өвөрхангай аймгийн цахилгааны асуудал, Арвайхээрийн замын асуудлыг холбогдох сайд нар анхаарч ажиллаарай. Энэ асуудлыг үргэлжлүүлэн сануулна.мал аж ахуйн бодлогоо шинэчлэх ёстой. З.Мэндсайхан сайд малчдаа туслах ажил явуулж байгаа талархаж байна.

Ариунзаяа сайдтай хамтарч ажилласан. Facebook-ээр ажлаа хийхээ болих хэрэгтэй. Бодит ажлаа хий. Зургаан сар харлаа. Яамны ажилчдаа халж, солих асуудлаа орхи. Ц.Нямдорж сайдаа шинэ сайд нараа анхаарч ажиллаарай.