Хан-Уул дүүрэгт “Нэг хаалга–Нэг шинжилгээ” арга хэмжээ өчигдөр өглөөний 09:00 цагаас эхэлж, нийт 18 хорооны 42443 өрхийг шинжилгээний суурин 3 цэг, явуулын 130 цэгээр тандалт, илрүүлгийн өргөтгөсөн шинжилгээ авч өндөрлөлөө. 

Хөл хорионы үед “Нэг хаалга–Нэг шинжилгээ”-нд хамруулах ажилд үүрэг гүйцэтгэн ажилласан чиг үүргийн 4600 төрийн албан хаагч, 912 эмч, эмнэлэгийн байгууллагын ажилтанууддаа Хан-Уул дүүргийн Онцгой комиссын нийт бие бүрэлдэхүүний өмнөөс талархал илэрхийлье.

Халдвар, хамгааллын дэглэмээ чанд баримтлан “Нэг хаалга-нэг шинжилгээ”-нд идэвхтэй хамрагдсан Хан-Уул дүүргийн иргэддээ баярлалаа.

2021 оны 02 дугаар сарын 20-ны өдөр буюу Бямба гарагт  үлдсэн цөөн тооны өрхийн мэдээллийг хороо тус бүрээр нь судлан “Явуулын шинжилгээний баг” шинжилгээг үргэлжлүүлэн авна.