УИХ-ын чуулганы өнөөдрийн \2021.04.02\ нэгдсэн хуралдаанаар Монгол Улс, Олон улсын хөгжлийн ассоциац хоорондын нэмэлт Санхүүжилтийн хэлэлцээрийг соёрхон батлах тухай хуулийн төслийг хэлэлцэж байна. 

Хэлэлцэж байгаа асуудалтай холбогдуулан гишүүд асуулт асуулаа.

УИХ-ын гишүүн С.Чинзориг: 

Хөдөө орон нутагт голомт өндөр байна.Өвөрхангай аймагт 91 тохиолдол бүртгэгдлээ. Хөдөө орон нутгийн эмч, эмнэлгийн ажилтныг хамгаалалтын хэрэгслээр хангаж өгөөч ээ. Мөн тухайн орон нутагт ажиллаж байгаа эмч, эмнэлгийн мэргэжилтнүүдийн илүү цагийн хөлс болон тухайн орон нутагт цар тахлаас болж өсөж байгаа зардалд анхаарах хэрэгтэй байна.

Төрийн байгууллагынхан томилолтоор ажиллуулах хүмүүсийн тал дээрээ анхаарах ёстой. Голомт үүссэн орон нутагт онцгой байдалд ажиллаж байгаа хүмүүсийг яаралтай вакцинжуулах шаардлага үүслээ.

Хүмүүсийг PCR шинжилгээнд маш их хамруулсан, гэтэл сүүлийн үед мэргэжлийн хүмүүс нь энэ шинжилгээг багасгаж болиулах тал дээр анхаарна гэж  ярьж байна. Цаашдаа энэ ажил үр дүнгүй болж байгаа юм уу? Засгийн газар, онцгой комисс үүн дээр анхаараарай.

Сэтгүүлч

Сэтгүүлч Ц.Соёлмаа soyolmaa@vip76.mn