Шадар сайд С.Амарсайхан: Сүхбаатар дүүргийн эмч “Хүн, хүч дутуу байна. Илүү цагийн зардлыг шийдээд өгвөл резидент болон бусад эмч нар ажиллах боломжтой” гэж ярьсан байсан. Энэ асуудалд Засгийн газар болон УОК бүх хөрөнгө, мөнгийг шийдвэрлэж өгч байгаа.

Цар тахлын үеийн эмнэлгийн тусламж үйлчилгээний хурд, чанар, хүртээмж хамгийн чухал. Энэ хүрээнд нэмэлтээр авч хэрэгжүүлэх ажлууд бий. Ариутгал халдваргүйтгэлийг ямар компаниуд хийж байна. Энэ талаарх мэдээллийг өгөх хэрэгтэй. Өрхийн эмнэлгүүдийн үйл ажиллагаа иргэдэд дараалал үүсгэхгүй ажиллахад анхаарах нь зүйтэй. Товчоогоор нэвтрэх зайлшгүй шаардлагатай эрүүл мэндийн үйлчилгээ авах иргэдэд хүндрэл бэрхшээлгүй үйлчлэх хэрэгтэй.

СХД-ийн шинэ эмнэлэг, Яармагийн 300 ортой эмнэлэгт хүчилтөрөгчийн үйлдвэрийг шинээр ашиглалтад орох ажлууд хэрэгжиж байна.

Явуулын вакцинжуулалтын цэг 60-аас дээш насны хүмүүст өөрсдийнх нь хүсэлтийн дагуу гэрт нь очиж үйлчилнэ. Зөвхөн тухайн хүний хүсэлтийн дагуу сайн дурын вакцинжуулалт хийнэ. Дархлаажуулалт бол тасралтгүй үргэлжлэх ажил. Шадар сайд С.Амарсайхан УОК-ын Шуурхай штабт ажиллав. Энэ үеэр Шуурхай штабын дарга хурандаа Ц.Ганзориг илтгэл мэдээлэл хүргэлээ.Шадар сайд С.Амарсайхан, Үйл ажиллагаа нь зөвшөөрөгдсөн ААН, байгууллагын тээврийн хэрэгсэл, иргэд ойролцоох орчиндоо алхах, салхилах, иргэдийг мэдээллийг хангах зэрэг тодорхой асуудлууд бий. Хөл хорио гэдэг бол заавал хэн нэгнийг цагдан харж, шаардлага тавих ёстой зүйл биш. Бүх нийтийн эрүүл мэнд, аюулгүй байдлын төлөө 15 хоног хөл хорио тогтоосон. Тэгэхээр энэ хугацаанд хэн хэндээ чирэгдэл учруулахгүй, дэглэм журмаа мөрдвөл халдварын тархалтын тоо багасна.

С.Амарсайхан: ЗГ, УОК эмч нарын илүү цагийн мөнгийг шийдвэрлэж өгч байгаа