Сонгинохайрхан дүүрэгт бүх нийтийн мод тарих арга хэмжээний хүрээнд “Өрх бүр хашаандаа мод тарья” аяны нээлт хоёр дахь өдрөө үргэлжлэн, Баянхошуу бүсийн 163 дугаар цэцэрлэгийн гадна талбайд өнөөдөр /2021.05.16/ боллоо.

Энэ үеэр дүүргийн 7, 8, 9, 10, 11, 12, 13, 21, 23, 25, 27, 28, 30, 31, 38, 39, 40, 42, 43 дугаар хороод тус бүрт 250 ширхэг суулгацын дээжийг хороодын удирдлагуудад хүлээлгэн өгөв.

Мөн 163 дугаар цэцэрлэгийн хойд талбайд цэцэрлэгийн хамт олон, иргэдтэй хамтран суулгацын дээжийг задлан хөрс бэлтгэн шар хуайс, нохойн хошуу, монос зэрэг модны суулгацуудыг тарив.

Нээлтийн үйл ажиллагааны дараа 9-р хорооны иргэн Х.Мөнхбаярын гэрийг зорин очиж орчны бохирдлыг бууруулах, ногоон байгууламжийг нэмэгдүүлэхэд гар бие оролцон эрүүл, ая тухтай амьдрах нөхцөлөө бүрдүүлэхэд үнэтэй хувь нэмэр оруулсанд талархал илэрхийлэн, шинэхэн суулгацууд өрх бүрийн хашаанд цэцэглэн, ургахыг бэлэгшээн суулгалаа.

Сэтгүүлч

Сэтгүүлч Ц.Соёлмаа soyolmaa@vip76.mn