Засгийн газрын өнөөдрийн /2021.05.27/ хуралдаанаас гарсан шийдвэрүүдийн талаар Ерөнхий сайдын хэвлэлийн төлөөлөгч Ч.Болортуяа мэдээллээ. 

Засгийн газар урд шөнө 100 мянган тун Файзер вакциныг Ковакс хөтөлбөрийн хүрээнд татан авчээ. Тус вакциныг хөхүүл болон жирэмсэн эхчүүдийг дархлаажуулах шийдвэрийг Засгийн газрын өнөөдрийн хуралдаанаас гаргажээ.

Улсын хэмжээнд нийт 53 мянга орчим жирэмсэн эх байгаа бөгөөд эдгээр Эрүүл мэндийн яамны зөвлөмжийн дагуу Файзер вакцинд хамрагдах боломжтой гэв.

Түүнчлэн эрүүл мэндийн шалтгааны улмаас вакцинд хамрагдаж амжаагүй хүмүүс мөн адил Файзер вакцинд хамрагдаж боломжтой ажээ. ДЭМБ-ын судалгаагаар жирэмсэн эхчүүд халдварт өртөх, хүндрэх  эрсдэл өндөр байгаа учир вакцин хийлгэх боломжтой гэж мэдэгдсэн. Иймээс жирэмсэн эхчүүд эмчийн заавар зөвлөмжийн дагуу сайн дурын үндсэн дээр вакцинд хамрагдах боломжтой боллоо.