Залуу багшийн амжилтыг өндрөөр үнэлж “Нийслэлийн тэргүүний ажилтан” цол тэмдгээр шагналаа
2021.06.08

Залуу багшийн амжилтыг өндрөөр үнэлж “Нийслэлийн тэргүүний ажилтан” цол тэмдгээр шагналаа

Нийслэлийн 1-р сургуулийн химийн багш И.Дорждэрэм ОХУ-ын Москва хотын Засгийн газраас жил бүр зохион байгуулдаг Дэлхийн хотуудын олон улсын тав дахь удаагийн олимпиадад сурагчаа амжилттай бэлтгэж тус сургуулийн 11Д ангийн сурагч Б.Пүрэвбадрал хүрэл медаль хүртсэн. Түүний энэ амжилтыг өндрөөр үнэлж “Нийслэлийн тэргүүний ажилтан” цол тэмдгээр шагнасныг Нийслэлийн иргэдийн төлөөлөгчдийн хурлын төлөөлөгч, Нийслэлийн засаг даргын хөгжлийн бодлого хариуцсан нэгдүгээр Орлогч Ж.Сандагсүрэн гардууллаа.

Улаанбаатар хот Москва хоттой эгч дүүсийн найрсаг харилцаатай. Энэ ч утгаараа Москва хотноо зохион байгуулагдсан олон улсын онлайн олимпиадад шавиа бэлтгэн амжилт гаргаж, нийслэлийнхээ нэрийг өндөрт өргөсөнд талархал илэрхийллээ.

Залуу багшийн хувьд шавь нартаа үлгэр дууриал үзүүлж байгаад баяр хүргээд цаашдын эрдмийн их үйлсэд нь амжилт хүслээ.