УИХ-ын чуулганы өнөөдрийн /2021.06.24/ нэгдсэн чуулганы хуралдаан эхэллээ.Хуралдааны эхэнд Коронавируст халдвар /КОВИД-19/-ын цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах тухай хуульд нэмэлт, өөрчлөлт оруулах тухай хуулийн төслийг хэлэлцлээ.

Төсөлтэй холбоотойгоор УИХ-ын гишүүд асуулт асууж, санал хэллээ. 

УИХ-ын гишүүн С.Чинзориг: 

"Бид Ковидын хууль батлаад хагас жил гаруй хугацаа өнгөрлөө. Хангалттай үр дүн гарсангүй. Өвчлөл буурахгүй, нас баралт нэмэгдлээ. Одоо энэ хуулийг сунгаад ямар үр дүн гарах вэ? Цаашид УОК арга стратегиэ өөрчилж, хүрэх үр дүнгээ хэрхэн тооцож байна вэ?

ЭМД-ын сангийн хөрөнгөтэй холбоотой асуудал байна. Хууль нь ч тэр, зарчим ч тэр Засгийн газар дангаараа шийддэггүй. Засгийн газар журмаар шийднэ гэж хэрүүл болгож байхаар Үндэсний зөвлөлд нь өгөх хэрэгтэй. 3 талт үндэсний зөвлөл холбогдох журам гаргаад санхүүжилтийг шийдээд явбал хуультайргаа нийцнэ.

Хууль сунгагдаад эрүүл мэндийн ажилтны нийгмийн асуудал, хамгаалах хэрэглэл зэрэг хэрхэн шийдэгдэх вэ? ЭМД-ын сангийн үлдэгдэл гэж Сангийн сайд хэлээд байна. Ирэх жилээс алдагдалтай болоод татаас авах байдалтай байна. 280 тэрбум үлдэгдлээсээ санхүүжүүл гэсэн. Жил бүр тэглэнэ гэж ярьж болохгүй. Яг нарийн ярьвал Эрүүл мэндийн тухай хуулиараа гамшиг, нийтийг хамарсан өвчинд шаардлагатай төсвийг төр хариуцах хуультай. Засагт хөрөнгө байхгүй учраас хүнд үед нь энэ сангаас санхүүжүүлнэ гэж ойлгож байна.

ЭМД-ын тухай хуульд ийм нийтийг хамарсан өвчинд бус даатгуулагч иргэн ньл өөртөө зарцуулна гэж заасан байгаа. Ядаж үүнийг хүндэтгээд Засгийн газар журам батлана гэж гишүүдийг маргуулж байхаар Үндэсний зөвлөлд нь энэ эрхийг нь өгнө гэж оруулах ёстой.

Өвөрхангай амйгийн Бүрд, Сант, Баянгол сумдад эмнэлгийн унааны асуудал байгаа. Үүнийг Шадар сайдын зүгээс яаралтай шийдэх боломж байна уу? Хархорин суманд явуулын лаборатори явуулах хүсэлтийг шийдвэрлэж өгөх боломж байна уу?"

Түүний асуултанд Эрүүл мэндийн сайд С.Энхболд, Сангийн сайд Б.Жавхлан нар хариуллаа.

Сэтгүүлч

Редактор Ц.Соёлмаа soko@vip76.mn