УИХ-ын чуулганы өнөөдрийн /2021.06.29/ нэгдсэн хуралдаан үргэлжилж байна. Хуралдаанаар  Боловсролын ерөнхий хуулийн төсөл болон хамт өргөн мэдүүлсэн хууль, тогтоолын төслийн хэлэлцэх эсэхийг хэлэлцлээ.

Хуулийн төсөлтэй холбогдуулан УИХ-ын гишүүд асуулт асууж, санал хэллээ. 

УИХ-ын гишүүн С.Чинзориг: 

Цэцэрлэгийн хүүхдийн насыг 3-5 нас болгож байна, ямар үндэслэлээр ингэж өөрчилсөн бэ? Ерөнхий боловсрол 12 жил болгох юм байна. Ингэвэл одоогийн байгаа мэргэжлийн боловсролын тогтолцоог эвдэх юм байна. Засгийн газар халамжаас хөдөлмөрт гэж ярьж байгаа,тэгвэл мэргэжлийн боловсролын тогтолцоог эвдэх нь зөв үү? Багш нарын нийгмийн баталгааг сайжруулах ямар зохицуулалт орсон бэ?

Их, дээд сургуулийн төлбөрийг өсгөхгүй байх боломж байна уу? Хөдөөгийн иргэдийг ядууруулж байгаа нэг шалтгаан бол сургалтын төлбөрөөс үүдэлтэй.Хувийн сургуулийг орхиё. Харин төрийн мэдлийн Их, дээд  сургууль үйл ажиллагааныхаа зардлын 90-95 хувийг зөвхөн сургалтын төлбөрөөр шийддэг.Энэ тогтолцоо цаашдаа яваад байх уу? Судалгааны Их сургууль гэсэн асуудал оруулж ирж байна. Тусдаа сургуультай, тусдаа хуультай байх шаардлага бий юу?

Түүний асуултад БШУ-ын сайд Л.Энх-Амгалан хариулт өглөө.

Сэтгүүлч

Сэтгүүлч Ц.Соёлмаа soyolmaa@vip76.mn