Монгол Улсын Шинэ Үндсэн Хууль батлагдсаны 30 жилийн ой өнөөдөр тохиож байна. Энэхүү тэмдэглэлт өдрийг тохиолдуулан УИХ-ын гишүүн Т.Энхтүвшин мэндчилгээ дэвшүүллээ.

УИХ-ын гишүүн Т.Энхтүвшин:

 Бүрэн эрхт, тусгаар тогтносон Монгол Улсын Эрхэм хүндэт иргэд ээ,

Та бүхэндээ Монгол Улсын Үндсэн хуулийн өдрийн мэндийг дэвшүүлье.

Жил бүрийн нэгдүгээр сарын 13-ныг Үндсэн хуулийн өдөр хэмээн Улсын Их Хурлаас хуульчилсан билээ. Энэхүү өдөр бол Та бидний улс үндэстнийхээ түүхээр бахархах, Үндсэн хуульт ёсоо дээдлэх, ардчилсан Монгол Улсын иргэн нь, эх орныхоо бүрэн эрхт эзэн нь байгаагаараа омогших өдөр юм.

Монгол Улсад шинэ Үндсэн хууль батлагдсан өдрийг тохиолдуулан Ерөнхийлөгчийн зарлигаар ардчилсан Үндсэн хуулийг батлалцахад оролцсон Дорноговь аймгаас Ардын Их Хурлын Депутатаар ажиллаж байсан аймгийн Засаг дарга асан Л.Ишдорж “Монгол Улсын Гавьяат эдийн засагч” цол тэмдгээр, аймгийн ИТХ-ын дарга асан Б.Нямдорж “Монгол Улсын Хөдөө аж ахуйн Гавьяат ажилтан” цол тэмдгээр, аймгийн Гүйцэтгэх захиргааны дарга асан /хуучин нэршлээр/ Ж.Гомбожав “Сүхбаатарын одон”-оор шагнууллаа.

Гавьяатууддаа эрүүл энх, аз жаргал, сайн сайхан бүхнийг хүсэн ерөөе.

Төрийн мэлмий тунгалаг, түмний сэтгэл амгалан байг ээ.