Ардчилсан үндсэн хууль батлалцсан Өвөрхангайн депутатуудаас 2 гавьяат төрлөө
2022.01.13

Ардчилсан үндсэн хууль батлалцсан Өвөрхангайн депутатуудаас 2 гавьяат төрлөө

Ардчилсан Үндсэн хуулийн 30 жилийн ойгоор Өвөрхангай аймгаас Ардын Их хурлын депутатаар сонгогдон эцэг хуулийг батлалцаж явсан эрхмүүдээс өнөөдөр хоёр гавьяат төрлөө.

Ерөнхийлөгчийн зарлигаар Сант сумын уугуул, Цариг, Цахиурт багийн даргаар олон жил ажиллаж, ажилч малчаараа нутаг орондоо шагшигдсан Норовын Дашдондог гуай Монгол Улсын Хөдөө аж ахуйн гавьяат ажилтан, Нарийнтээл сумын уугуул, сум нэгдлийн дарга, аймгийн Засаг даргын орлогч, Хөдөө аж ахуйн газрын дарга, Хөдөлмөр, халамжийн газрын дарга зэрэг хариуцлагатай албыг олон жил хашсан Чимэдцэрэнгийн Чинбат дарга Монгол Улсын Гавьяат эдийн засагч цол хүртсэн.

Мөн Монгол Улсын гавьяат хуульч, өвөрхангайчуудын бахархал болсон түшээ Данзангийн Лүндээжанцан ах маань Монгол төрийн дээд шагнал Сүхбаатарын одонгоор энгэрээ мялаав.

Төр, ард түмнийхээ төлөө хоёргүй сэтгэлээр зүтгэж, нутаг орныхоо нэрийг улс даяар цуурайтуулсан эрхэмүүддээ УИХ-ын гишүүн С.Чинзориг дахин баяр хүргэж, эрүүл энх, урт удаан наслахыг хүсэн ерөөж ээ.

Сэтгүүлч

Сэтгүүлч Ц.Соёлмаа soyolmaa@vip76.mn